Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Aqtóbede jol apatynan eki adam kóz jumdy

2022 jyldyń 27 mamyr 2022 12:42

AQTÓBE. QazAqparat – Aqtóbedegi Hromtaý-Aqqudyq tasjolynda jol-kólik oqıǵasy bolyp, eki adam kóz jumdy, dep habarlaıdy QazAqparat tilshisi.

Oqıǵa búgin saǵat 00:30-da boldy. Hromtaý aýdandyq polıtsııasynyń kezekshi bólimine 75 shaqyrym jerde jol apaty bolǵany týraly habarlama tústi. Aldyn ala boljam boıynsha, Nissan Teana avtokóliginiń 24 jastaǵy júrgizýshisi Aqqudyq aýyly mańynda qarsy jolaqqa shyǵyp ketip, Hromtaý aýdanynyń 44 jastaǵy turǵynynyń basqarýyndaǵy «Vaz-2115» avtokóligimen soqtyǵysqan.




«Jol-kólik oqıǵasy saldarynan «VAZ-2115» avtokóliginiń júrgizýshisi men jolaýshysy oqıǵa ornynda qaza tapty. Odan bólek, Nissan Teana avtokóliginiń júrgizýshisi men «VAZ-2115» avtokóliginiń úsh jolaýshysy Hromtaý qalasyndaǵy aýrýhanaǵa jatqyzyldy. Qazirgi kezde Qylmystyq kodekstiń «Kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy» baby boıynsha sotqa deıingi tergeý amaldary júrgizilip jatyr. Saraptama taǵaıyndaldy», - dedi oblystyq PD baspasóz qyzmetiniń jetekshisi Erbolat Sarqulov.




Eske salsaq, buǵan deıin Aqtóbe-Atyraý tasjolynda jol-kólik apaty bolyp, áıel men onyń qyzy kóz jumǵan. Baıǵanın aýdanynyń 40 jastaǵy turǵyny otbasymen birge Renault Dusterkóligimen jolǵa shyqqan. Aqtóbe–Astrahan tas jolynyń 248-shaqyrymynda, ıaǵnı Qaraýylkeldi aýylynan 1 shaqyrym jerde olar jol jıeginde turǵan Iveco júk kóligine soǵylǵan. Keıin «Renault Duster» avtokóligi jol jıeginde turǵan ekinshi «KamAZ» júk kóligine baryp soqtyǵysqan.





Avtor Altynaı Saǵyndyqova
Basty sózder: Aqtóbe oblysy, Jol, Kólik,
Joǵary qaraı