Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqtóbede jeńil kólik kópirge keptetilip qaldy

2021 jyldyń 16 qazan 2021 14:31

AQTÓBE. QazAqparat - Aqtóbede jol erejesin buzǵan júrgizýshi kóligimen birge kópirge keptetilip qaldy, dep habarlaıdy QazAqparat tilshisi.

Aqtóbe qalasyndaǵy Zarechnyı kópirinde jol-kólik oqıǵasy tirkeldi. DAF avtokóligiń júrgizýshisi kópirmen júrip, qatar kele jatqan mashınaǵa jol bermedi. Sol kezde Kia markaly kólik kópirdiń qorshaýyna keptetilip qaldy.


«Eshkimniń densaýlyǵyna zaqym kelmedi. Osy oqıǵaǵa baılanysty Qylmystyq is qozǵalyp, tergeý júrip jatyr. Oblystyq polıtsııa departamenti joldaǵy qakipsizdikti saqtaýǵa shaqyrady. Bıyl 9 aıda oblys joldarynda 391 jol-kólik oqıǵasy tirkelip, 68 adam qaza tapty. Taǵy 520 adam túrli jaraqat aldy»,- dedi oblystyq PD baspasóz qyzmetiniń jetekshisi Erbolat Sarqulov.
Aıta keteıik, jyl sońyna deıin oblys ortalyǵynda 452 «Sergek» zııatkerlik kamerasy bar 79 apparattyq-baǵdarlamalyq keshen jáne qoǵamdyq qaýipsizdikti qamtamasyz etetin 2400 kamera ornatý josparlandy. Tek júrgizýshiler emes, jaıaý júrginshiler de jolda qaýip tóndiredi. Bıyl 9 aıda olardyń qatysýymen 120 jol-kólik oqıǵasy tirkeldi. Onda 12 adam qaza taýyp, 110 adam jaraqat aldy. Sonymen qatar, jol qozǵalysy erejelerin buzǵany úshin 8 myńnan astam jaıaý júrginshi men 2,7 myń júrgizýshi ákimshilik jaýapqa tartyldy.
Respýblıkalyq jáne halyqaralyq mańyzy bar trassalarda 73 jol-kólik oqıǵasy tirkelip, onda 33 adam mert boldy. Jol apatynyń 82% astamy halyqaralyq mańyzy bar «Samara-Shymkent» jáne respýblıkalyq mańyzy bar «Aqtóbe - Atyraý – RF shekarasy (Astrahan q.)» tıesili.
«Mas júrgizýshilerdiń kinásinen bıyl 11 jol-kólik oqıǵasy tirkeldi. Onda 2 adam qaza taýyp, 16 adam túrli jaraqattar aldy», – dedi Atyǵaı Arystanov. Sondaı-aq, buryn kólik basqarý quqyǵynan aıyrylǵan 113 mas júrgizýshi qylmystyq jaýapqa tartyldy.


Joǵary qaraı