Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqtóbede jeksenbi kúni qoǵamdyq kólik júrmeıdi

2021 jyldyń 23 shilde 2021 20:11

AQTÓBE. QazAqparat – Aqtóbe qalasynda jeksenbi kúni qoǵamdyq kólik júrmeıdi. Al jumys jáne senbi kúnderi erekshe sanıtarlyq talap saqtalýy tıis, dep habarlaıdy QazAqparat tilshisi.

Aqtóbe oblysynyń bas sanıtar dárigeri Nursulý Berkimbaeva jańa Qaýlyǵa qol qoıdy. Talap boıynsha jeksenbi kúni Aqtóbe qalasynda qoǵamdyq kólik júrmeıdi. Al jumys jáne senbi kúnderi avtobýs ishindegi oryndyqtarǵa otyrǵan jolaýshylardy ǵana tasymaldaýǵa ruqsat. Ádettegideı kóp shoǵyrlanyp, tolyp minýge bolmaıdy.

«Sanıtaızerlerdi jolaýshylarǵa qol jetimdi jerlerde ornatý kerek. Jolaýshylardyń, júrgizýshilerdiń jáne kondýktorlardyń maska taǵýy mindetteledi», - dep jazylǵan Qaýlyda.

Aıta keteıik, bir táýlikte oblysta 230 adamnyń PTR synamasy oń mán kórsetti. Aýrýshańdyqtyń ósý deńgeıi 1,6% qurady. Qazir emdeý oryndarynda 545 adam jatyr. Onyń 50-i jansaqtaý bóliminde bolsa, beseýi ókpeni jasandy jeldetý apparatyna qosylǵan. Oblystyq densaýlyq saqtaý basqarmasynyń habarlaýynsha, ınfektsııalyq kereýet júktemesi 53, jansaqtaý bólimindegi júkteme 34 paıyzdy qurady. Al úı karantınindegi adam sany 4600-den asyp ketti.


Joǵary qaraı