Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Aqtóbede jastarǵa qaıtarymsyz grant berý jalǵasady

2022 jyldyń 16 qańtar 2022 19:40

AQTÓBE. QazAqparat - Aqtóbede 500 jas qaıtarymsyz grant alsa, 300 jas nesıe aldy, dep habarlaıdy QazAqparat tilshisi.

«Aqtóbe» telearnasynda júmyspen qamtý, jastardy eńbekke aralastyrý máselesi qaraldy. Aqtóbe oblystyq jumyspen qamtý jáne áleýmettik baǵdarlamalar basqarmasynyń basshysy Aslanbek Shúıinshalıevtiń aıtýynsha, zeınetkerler ornyn jastar almastyrý úshin de arnaıy jumys atqaryldy.
«Jumyspen qamtý úshin birqatar shara júzege asyrylyp jatyr. Sonyń nátıjesinde oblystaǵy jumyssyzdyq deńgeıi 4,8% qurap otyr. ıAǵnı, 20 myńnan astam adam jumyssyz retinde tirkeýde tur. Onyń 60% áıel, ózgesi er adam. Byltyr jumyspen qamtý baǵytyndaǵy jumysqa 56 myń adam tartyldy. Onyń ishinde 30 myńnan astamy turaqty jáne bos jumys oryndaryna ornalastyryldy. 1500 adamǵa qaıtarymsyz grant berildi. 2,5 myńnan astam adam Jastar tájirıbesine joldandy. «Bıznes bastaý« jobasy aıasynda myńnan astam adamdy kásipkerlik negizderine oqyttyq. Kásiptik jáne tehnıkalyq bilim alý úshin 1100 adam joldandy. 900-den astam adam qysqa merzimdik kýrsta oqydy. Myńǵa jýyq adam paıyzdyq ústemeaqysy tómen nesıe aldy»,-dedi Aslanbek Shúıinshalıev. Sondaı-aq óńirde 2 myńǵa jýyq áleýmettik jumys orny quryldy. Ataýly áleýmettik kómek alatyn adamdardy, jastardy, múgedek bala tárbıelep otyrǵandy jumyspen qamtýǵa basymdyq berilgen.
«Byltyrdan bastap «Alǵashqy jumys oryndary« jobasy aıasynda 100-ge jýyq jas alǵash ret eńbekke aralasty. «Urpaqtar kelisimsharty« jobasy aıasynda zeınetke shyǵatyn tájirıbeli mamandar orny jastarǵa daıyndaldy. Bul eń tıimdi joba»,-dedi ol.


Joǵary qaraı