Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Aqtóbede janarmaı beketine qaraqshylyq shabýyl jasaǵandar ustaldy

2022 jyldyń 20 qańtar 2022 20:24

AQTÓBE. QazAqparat – Aqtóbede eki adam janar-jaǵarmaı beketine qaraqshylyq shabýyl jasady. Kúdiktiler kóp uzamaı ustaldy, dep habarlaıdy QazAqparat tilshisi.

19 qańtar kúni saǵat túngi 03:00-de Aqtóbe qalasy Sáńkibaı batyr dańǵylyndaǵy janar jaǵarmaı quıý beketine belgisiz eki adam basa kóktep kirgen. Olar operatordy balǵamen uryp, kassırdi pyshaqpen qorqytyp, kassadan 100 myń teńgeden astam aqsha men uıaly telefondy alyp ketken.

«Sonymen birge birneshe qorap temeki alyp, belgisiz baǵytqa qashyp ketken.

Aqtóbe oblystyq PD Krımınaldyq polıtsııa basqarmasynyń qyzmetkerleri jedel-izdestirý is-sharalary barysynda eki kúdiktini anyqtalyp, ustaldy. Kúdiktilerden urlanǵan zattar tárkilendi. Osy derek boıynsha QR QK-niń «Qaraqshylyq» babymen sotqa deıingi tergeý amaldary júrgizilip jatyr. Osy baptyń sanktsııasy múlkin tárkileı otyryp, on jylǵa deıingi merzimge bas bostandyǵynan aıyrýdy kózdeıdi», - dedi oblystyq PD baspasóz qyzmetiniń jetekshisi Erbolat Sarqulov.

Ustalǵandar tergeý ızolıatoryna qamaldy.


Joǵary qaraı