Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Aqtóbede jańa ındýstrııalyq aımaq qurylady

2022 jyldyń 22 qańtar 2022 01:30

AQTÓBE. QazAqparat – Aqtóbede jańa ındýstrıalyq aımaq qurylady. Qazirgi kezde aýdany 450 ga bolatyn jer ýchaskesi bólindi.

Bul týraly óńirlik kommýnıkatsııalar qyzmetinde Aqtóbe oblysynyń ındýstrııalyq-ınnovatsııalyq damý basqarmasynyń basshysy Qýandyq Qasymov aıtty, dep habarlaıdy QazAqparat tilshisi.

Óńirde 2015 jyly «Aqtóbe» ındýstrııalyq aımaǵy quryldy. Jalpy aýdany 200 ga bolǵanymen, onyń 155 ga túrli óndiris ornyn salýǵa arnalǵan.

«Búgingi kúni ınvestorlarǵa 113 ga (73%) jer telimi bólinip, onyń 47 ga ıgerildi. Al 24 ga jobalaý jumystary júrgizilip jatyr. Sáıkesinshe 42 ga (27%) bos kúıinde qalyp otyr. Indýstrııalyq aımaqtyń jumys isteýi úshin jáne ınvestorlarmen tıimdi ózara is-qımyldy qamtamasyz etý maqsatynda basqarýshy kompanııa quryldy. 2015 jyldan bastap 28 mlrd teńge somasyna 12 joba paıdalanýǵa berilip, 655 jumys orny ashyldy. Salalary: hımııa ónerkásibi, qurylys materıaldaryn óndirý, logıstıka, dóńgelekti qaıta óńdeý jáne qalpyna keltirý, aqparattyq tehnologııalar», - dedi Aqtóbe oblysynyń ındýstrııalyq-ınnovatsııalyq damý basqarmasynyń basshysy Qýandyq Qasymov.

Aldaǵy ýaqytta metallýrgııa jáne munaı-hımııa ónerkásibi, qurylys materıaldaryn óndirý, iri qara mal terisin óńdeý jáne t.b. salany qamtıtyn 12 joba iske asyrylmaq. Jobanyń jalpy quny 30,8 mlrd teńge. Barlyǵy 852 jumys ornyn qurylady.

«Aqtóbe» ındýstrııalyq aımaǵymen qatar, sheteldik ınvestorlardy tartý jáne jańa óndiris ornyn qurý maqsatynda biz sheteldik áriptesterdiń qatysýymen erekshe ındýstrııalyq aımaq qurý máselesin pysyqtap jatyrmyz. Búgingi kúni ákimdik aýdany 450 ga bolatyn jer ýchaskesin bóldi jáne jobany tabysty iske asyrý úshin normatıvtik-quqyqtyq aktilerge barlyq qajetti ózgeris engizdi. Osy jolmen ımportty almastyryp, halyqaralyq jetekshi kompanııalardy tartý, 20 myńnan astam jumys ornyn qurý, eksport kólemin ulǵaıtý mindeti alǵa qoıyldy», - dedi Qýandyq Qasymov.


Joǵary qaraı