Aýa raıy
Astana 16 °S
Almaty 18 °S
valıýta baǵamy
USD 412.55
EUR 468.66
RUB 5.79
CNY 58.80

Aqtóbede zeınetkerdi qutqaram dep kúıip qalǵan jas jigit elordaǵa jetkizildi

2020 jyldyń 27 qańtar 2020 22:40

AQTÓBE. QazAqparat - Aqtóbede zeınetkerdi qutqaram dep ózi tósekke tańylǵan 25 jastaǵy jigit em alýǵa jiberildi, dep habarlaıdy QazAqparat tilshisi.

Artem Golovnıa zeınetkerdi qutqarǵan kezde ot ortasynda qalyp, kúıik shaldy. Búgin ol Densaýlyq saqtaý mınıstrliginiń «Qazavıaqutqarý» ushaǵynyń kómegimen Nur-Sultan qalasyna jóneltildi.

«Polıtsııa departamenti, densaýlyq saqtaý basqarmasy jáne eriktiler ony elordalyq klınıkaǵa jiberý boıynsha barlyq qajetti sharalardy qolǵa aldy. Esterińizge sala keteıik, ótken jyldyń jazynda Artem 82 jastaǵy kórshisin órtten aman alyp shyqty. Degenmen, denesiniń 60 paıyzdan astamyn jalyn sharpyǵan. Dárigerler jigitti bir ólimnen aman alyp qaldy», - dep habarlady oblystyq PD baspasóz qyzmetiniń jetekshisi.

Artem segiz aı aýrýhanada emdeldi. Jarasy jazylmaı, jas jigit keshendi otany kútti. Áýejaıǵa attanar aldynda Aqtóbe oblystyq polıtsııa departamentiniń bastyǵy Atyǵaı Arystanov Artemmen kezdesip, tez arada saýyǵyp ketýin tiledi. Sondaı-aq, ol Artemniń anasyna materıaldyq kómek kórsetip, balasyn ońaltý kezinde járdem berýge ýáde etti.

Tasymaldaý kezinde naýqas Ulttyq úılestirý ortalyǵy mobıldi brıgadasynyń baqylaýynda boldy. Qazirgi kezde onyń jaǵdaıy turaqty aýyr. Nur - Sultan qalasyna jetkizilgen soń Travmatologııa jáne ortopedııa ǵylymı-zerteý ınstıtýtyna tústi. Oǵan joǵary tehnologııalyq medıtsınalyq em kórsetiledi.
Joǵary qaraı