Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqtóbede úsh kún boıy habarsyz ketken jasóspirim tabyldy

2021 jyldyń 24 qyrkúıek 2021 12:43

AQTÓBE. QazAqparat – Aqtóbede polıtsııa qyzmetkerleri úsh kún boıy jasóspirimdi izdep, taba almady. Al 17 jastaǵy aqtóbelik birneshe kúnnen soń úıine ózi oralǵan, dep habarlaıdy QazAqparat tilshisi.

Aqtóbe qalasynyń turǵyny 17 jastaǵy inisiniń úıden ketip qalǵanyn, bes kúnnen beri habar ala almaǵanyn aıtyp, kómek suraǵan. Keıin polıtsııa qyzmetkerleri úsh kún boıy izdeý jumysyn júrgizdi.

«Kýrstastarynan, tanystarynan suradyq. Joǵalǵan adamnyń belgileri bar baǵdarlar patrýldik polıtsııa narıadtaryna berildi. Úsh kúnnen keıin 17 jastaǵy jasóspirim úıine qaıtyp oralǵan. Ol dostarynyń úıine barǵanyn, týystaryna eskertýdi múldem umytyp ketkenin aıtty», - dep habarlady oblystyq PD baspasóz qyzmetiniń jetekshisi Erbolat Sarqulov.

Aıta keteıik, bıyl balalardyń joǵalǵany týraly 112 habarlama tústi. Olardyń bári aman-esen ata-anasyna tapsyryldy.


Avtor Altynaı Saǵyndyqova
Basty sózder: Aqtóbe oblysy, Oqıǵa,
Joǵary qaraı