Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqtóbede sý tasqynynyń aldyn alý úshin 8 ózenniń tabany tazartylady

2019 jyldyń 17 aqpan 2019 17:25

AQTÓBE. QazAqparat - Aqtóbede 8 ózenniń tabany tazartylyp, jaǵasy bekitilip jatyr. Bul týraly qalalyq turǵyn úı - kommýnaldyq sharýashylyq bóliminiń baspasóz qyzmeti habarlady, dep habarlaıdy QazAqparat tilshisi.

Aqtóbe qalasynda Elek, Qarǵaly, Peschanka, Jińishke, Tamdy, Sazdy, Butaq, Jaman Qarǵaly ózenderiniń tabany tazartylyp, jaǵasy bekitilip jatyr.

«2017 jyly tasqyn bolyp, turǵyn úıler sý astynda qaldy. Sol kezde Qarǵaly men Elek ózeniniń sýy bir- birine quıyp, turǵyn úıler men baý-baqsha ujymyndaǵy úılerdi sý basty. Barlyǵy 71 baý-baqsha ujymy men qala mańyndaǵy úsh aýyldyń úıleri sý astynda qaldy. Shyǵyn - 450 mıllıon teńge. Qazirgi kezde sý tasqynynyń aldyn alý jumystary bastaldy. Ózenderdiń tabany 20 jyldan beri tazartylmaǵan eken. Tabıǵı arnalar buzylyp, ol jerlerge jeke úıler salǵan. Bul da úlken kedergi», - dep habarlady qalalyq turǵyn úı - kommýnaldyq sharýashylyq bóliminiń baspasóz qyzmeti.


null

Aıta keteıik, sý tasqynynyń aldyn alý, ózen arnasyn tazartý jumystaryna respýblıkalyq bıýdjetten 6 mıllıard teńgeden astam qarjy bólingen.

«Barlyǵy 4 merdiger jumys júrgizip jatyr. Jospar boıynsha 180 shaqyrym ózen tabany tazartylyp, jaǵasy bekitiledi. Jumys osy jyldyń sońyna deıin jalǵasady», - dedi qalalyq qorǵanys jáne tótenshe jaǵdaılar bóliminiń basshysy Bekbolat Nurashev.

Eske salsaq, 2017 jyly sý tasqyny bolyp, Aqtóbede ondaǵan úı qırap qaldy.

Joǵary qaraı