Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Aqtóbede stýdentter jataqhanasynan órt shyǵyp, 131 adam evakýatsııalandy

2022 jyldyń 25 qańtar 2022 14:29

AQTÓBE. QazAqparat – Aqtóbede Medıtsınalyq ýnıversıtet jataqhanasynan órt shyqty, dep habarlaıdy QazAqparat tilshisi.

Oqıǵa búgin saǵat 8:58-de boldy. Oblystyq Tótenshe jaǵdaılar departamentiniń kezekshi-dıspetcherlik qyzmetine M. Ospanov atyndaǵy Batys Qazaqstan medıtsınalyq ýnıversıtetiniń stýdentter jataqhanasynda tońazytqyshtyń janyp jatqany týraly habarlama tústi.

«Órt Aqtóbe qalasy Patsaev kóshesinde ornalasqan jataqhananyń úshinshi qabatynda tirkeldi. Oqıǵa ornyna órt sóndirý qyzmetiniń jeke quramynan 42 adam jáne 11 tehnıka jiberildi. Órt sóndirýshiler men qutqarýshylar birden adamdardy shuǵyl evakýatsııalaýǵa kiristi. Jataqhana terezelerinen qalyń tútin shyǵyp jatty. Baspaldaq marshynyń kómegimen qutqarýshylar 39 sheteldik azamatty qutqardy.

Barlyǵy 131 adam evakýatsııalandy, onyń ishinde 105-i sheteldik azamat. Qutqarylǵan jáne evakýatsııalanǵan adamdar jyljymaly jylytý pýnktine ornalastyryldy», - dep habarlady oblystyq TJD baspasóz qyzmetinen.

Órttiń aýdany – 16 sharshy metr. Qazir ottyń qalaı tutanǵany anyqtalyp jatyr.


shırına 360 vysota 640
Joǵary qaraı