Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqtóbede saılaý kezinde zańsyzdyq tirkelgen joq – baıqaýshy

2021 jyldyń 25 shilde 2021 20:21

AQTÓBE. QazAqparat – Óńirdegi saılaý naýqanyn 480 baıqaýshy óz nazaryna alǵan. Partııalyq emes baqylaý ortalyǵy oblystyq fılıalynyń habarlaýynsha, daýys berý barysynda zańsyzdyq tirkelgen joq, dep habarlaıdy QazAqparat tilshisi.

«Búgin Aqtóbe oblysynda 35 aýyldyq okrýg ákimi saılanady. Saılaýshylardyń tikeleı daýys berýi 74 saılaý ýchaskesinde ótip jatyr. Saıası naýqandy 480 baıqaýshy baqylap otyr. Daýys berý barysynda óreskel quqyq buzýshylyq bolǵan joq. Jalpy, saılaý protsesi shtattyq rejımde ótýde. Saılaý barysynda halyqtyń joǵary belsendiligin baıqaımyz. Sondaı-aq, saılaýdyń joǵary deńgeıde uıymdastyrylǵanyn atap ótkim keledi. Azamattardyń qaýipsizdigine basymdyq berilgen. Barlyq ýchaskelerde sanıtaızer bar, komıssııa músheleri, baıqaýshylar masqa taǵyp otyr», - dedi «Partııalyq emes baqylaý ortalyǵy» RQB AOF shtab tóraǵasy¤ Erádil Ýbbınııazov.

Aıtyp óteıik, «Partııalyq emes baqylaý ortalyǵy» respýblıkalyq qoǵamdyq birlestiginiń oblystyq fılıaly atynan saılaýdy baqylap otyrǵan baıqaýshylardyń 80 paıyzy vaktsına saldyrǵan. Ózgesinde PTR anyqtama bar.

Oblystyq saılaý komıssııasynyń habarlaýynsha, tizimge engen saılaýshylardyń 70 paıyzǵa jýyǵy daýys berdi.

ıAǵnı, 22 300-den astam adam tańdaýyn jasady.


Joǵary qaraı