Aýa raıy
Astana -10 °S
Almaty 0 °S
valıýta baǵamy
USD 421.58
EUR 496.83
RUB 5.53
CNY 62.20

Aqtóbede orman alqabynyń aýmaǵy keńeıdi

2020 jyldyń 19 qazan 2020 05:28

AQTÓBE. QazAqparat – Bıyl Aqtóbede orman alqabyndaǵy 927 ga jerge aǵash egildi. Shyǵymy 67 paıyzdy qurady, dep habarlaıdy QazAqparat tilshisi.

Aqtóbe oblysynda kógaldandyrý jumysy júrip jatyr. Sonymen birge orman alqabynyń kólemi de ulǵaıyp keledi.

«Aqtóbede jeti orman sharýashylyǵy bar. Jalpy aýmaǵy 215 myń ga asady. Onyń 49 myń ga astamy ormanmen kómkerilgen. Bıyl qosymsha 823 ga qosylyp, alqap aýmaǵy 50 myń ga asty», - dedi Aqtóbe oblystyq tabıǵı resýrstar jáne tabıatty paıdalanýdy retteý basqarmasynyń bólim basshysy Ǵabıt Qylyshbaev.

Áli kúnge deıin óńirdegi 77 myń ga aýmaq memlekettik orman qory aýmaǵyna alynbaǵan. Jer telimin qaıtarý maqsatynda túsindirý jumystary júrgizilip jatyr. Keıbiri sharýashylyqtardyń ıeligine ótip ketse, keıbiri áli kúnge deıin bos jatyr.

«Aýmaqty qorǵaý alyp, kútim júrgizý kerek. Kóbine órtten qorǵaý jumysy júrgiziledi. Sonymen birge zııankesterge qarsy baqylaý júrgiziledi. Qazirgi kezde 6 myń ga orman sharýashylyǵynyń ıeligine ótti. Jumys jalǵasa berse, ormanmen kómkerilgen alqap kólemi artady», - dedi Aqtóbe oblystyq tabıǵı resýrstar jáne tabıatty paıdalanýdy retteý basqarmasynyń bólim basshysy Ǵabıt Qylyshbaev.

Kóshet egilgen tálimbaq aýmaǵy Aqtóbede 215 ga quraıdy. Munda jergilikti aýa raıyna qolaıly kóshet otyrǵyzylyp, taratylady. Topyraq zertteý, kóshet otyrǵyzýdyń óz tehnologııasy saqtalýy tıis. Bul jumys Aqtóbedegi 7 orman sharýashylyǵynda eńbek etetin 400-ge jýyq adamǵa júktelgen.

Joǵary qaraı