Aýa raıy
Astana -14 °S
Almaty -2 °S
valıýta baǵamy
USD 421.58
EUR 496.83
RUB 5.53
CNY 62.20

Aqtóbede ónerli memlekettik qyzmetshi anyqtaldy

2020 jyldyń 23 qazan 2020 22:46

AQTÓBE. QazAqparat - Abaı Qunanbaıulynyń týǵanyna 175 jyl tolýyna oraı baıqaý uıymdastyrylyp, ónerli memlekettik qyzmetshi anyqtaldy, dep habarlaıdy QazAqparat tilshisi.

Aqtóbe oblystyq memlekettik qyzmet isteri departamenti men mádenıet, arhıvter jáne qujattama basqarmasy baıqaý ótkizdi. Baıqaýdyń negizgi maqsaty - memlekettik qyzmetshilerdiń moraldyq - etıkalyq qundylyqtaryn jáne memlekettik qyzmettiń bedelin arttyrý, shyǵarmashylyq qabiletterin damytý. Baıqaýǵa barlyǵy 29 memlekettik qyzmetshi qatysty. Shartqa sáıkes qatysýshylar Abaıdyń kez kelgen týyndysyn mánerlep oryndaýy qajet boldy. Baǵalaý 2 kezeń boıynsha ótti. Olar: onlaın daýys berý jáne mádenıet salasyndaǵy sarapshylar baǵalaýy. Onlaın daýys berý barysynda qatysýshylardyń jumystary 2000-ǵa jýyq laık jáne 3000-nan astam qaralym jınady. Baıqaý qatysýshylarynyń jumysty komıssııa músheleri qashyqtan baǵalady. Onyń quramyna QR eńbek sińirgen mádenıet qaıratkeri, mádenıet salasyndaǵy ardagerler keńesiniń tóraǵasy Nurlybek Qalaýov, QR eńbek sińirgen mádenıet qaıratkeri Erkin Qurmanbekov, klassıkalyq mýzyka ansambliniń kórkemdik jetekshisi, QR eńbek sińirgen qaıratkeri Marat Áıtimov, Tahaýı Ahtanov atyndaǵy Aqtóbe oblystyq drama teatrynyń rejısseri, halyqaralyq, respýblıkalyq festıvalderdiń laýreaty Meıram Habıbýllın bar. Іrikteý barysynda ár qatysýshynyń shyǵarmashylyq kózqarasy baıqaldy.





«Baıqaý qorytyndysy boıynsha birinshi oryn Baıǵanın aýdandyq mádenıet jáne tilderdi damytý bóliminiń basshysy, Abaıdyń qara sózderi men «Jelsiz túnde jaryq aı» ánin oryndaǵan Nurádil Qoldasbaevqa berildi. Ekinshi oryndy «Segiz aıaq» ánin dombyramen oryndaǵan QR Sybaılas jemqorlyqqa qarsy is-qımyl agenttiginiń Aqtóbe oblysy boıynsha departamentiniń bas mamany Maqsat Ábekenov ıelendi.





Úshinshi oryndy Aqtóbe oblysy tilderdi damytý basqarmasynyń bas mamany Málıka Serikqyzy «Bilimdiden shyqqan sóz» ánin oryndap, jeńimpaz atandy.

«Dombyramen án shyrqadym. «Segiz aıaq» áninde adaldyq týraly aıtylǵan soń osy týyndysyn tyńdadym. Bul konkýrs bizdiń shyǵarmashylyǵymyzdy damytýǵa septigin tıgizdi», - dedi Maqsat Ábekenov.





Joǵary qaraı