Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqtóbede mektep muǵalimderi túgel vaktsına saldyrdy

2021 jyldyń 24 shilde 2021 00:25

AQTÓBE. QazAqparat - Aqtóbede medıtsınalyq qarsy kórsetkishi joq mektep muǵalimderiniń bári vaktsına saldyrdy, dep habarlaıdy QazAqparat tilshisi.

Aqtóbe oblysy boıynsha 460 myń adam vaktsına alýy kerek. Qazirgi kezde 211 myńnan astamy birinshi, al 118 myńnan astamy eki komponentti de qabyldady.

Sonyń ishinde quqyq qorǵaý organdary, medıtsına qyzmetkerleri túgel vaktsına saldyrdy.

Tek medıtsınalyq turǵyda keri kórsetkishi bar adamdar ýaqytsha ımmmýndaý jumysynan shettetildi.

«Oblystaǵy mektep muǵalimderi vaktsınatsııalaý jumysy kezinde belsendilik tanytty. Olar ózderine artylǵan jaýapkershilikti jaqsy sezinedi. Ári osy arqyly mektepke qaıta oralyp, dástúrli túrde bilim alýǵa múmkindik bar»,- dedi oblystyq bilim basqarmasy basshysynyń orynbasary Gúlnaz Súleımenova.

Aqtóbe oblysy boıynsha 18 myńnan astam pedagog qazir jańa oqý jylyna daıyn. Sonymen qatar 10 myńnan astam bala birinshi synypqa barady. Áli de qujat qabydaý rásimi ótip jatyr.

«Biz úshin balanyń qaýipsizdigi mańyzdy. Mektepke baryp, ondaǵy jaǵdaıdy bildim. Munda arnaıy QR kod arqyly mártebeni anyqtap, bilýge bolady. Koronavırýs ınfektsııasyna qatysty aqparatty da úlken ekran arqyly bile alamyz»,- deıdi aqtóbelik turǵyn Aısulý Ýbaıtjanova.

Aqtóbe oblysy boıynsha barlyq emhana men iri saýda oryndarynda vaktsınatsııa pýnkti bar. Olar keshki 20:00-ge deıin jumys isteıdi.

Óńirde ımmýndaý sharasy jalǵasyp jatyr.

«Aqtóbe oblysy boıynsha biz 460 myń adamdy qamtımyz dep josparlap otyrmyz. Onyń ishinde 18 myńnan astamy pedagog. Qazirgi kezde múǵalimder túgel vaktsına saldyrdy. Qazir mektepke deıingi mekemeler men orta arnaýly, joǵary oqý oryndary qamtylyp jatyr»,- dedi oblystyq densaýlyq saqtaý basqarmasy basshysynyń orynbasary Bekbolat Іzbasarov.

Joǵary qaraı