Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqtóbede mal qyrylǵan aýylda shekteý sharasy engizilýi múmkin

2021 jyldyń 29 qarasha 2021 21:44

AQTÓBE. QazAqparat – Aqtóbeniń Besqospa aýylynda shekteý sharasy engizilýi múmkin. Bul týraly Veterınarııalyq baqylaý jáne qadaǵalaý komıtetiniń Aqtóbe oblystyq aýmaqtyq ınspektsııasynyń basshysy Keńes Qanadbaev aıtty, dep habarlaıdy QazAqparat tilshisi.

«Bestamaq aýyldyq okrýginiń Besqospa aýylynda 6 bas iri qara maldan belgisiz aýrý anyqtaldy. Aryz-shaǵymǵa baılanysty aýdandyq veterınarııa mamandary synama alynyp, Nur-Sultan qalasyndaǵy zerthanaǵa jiberildi. Renotraheıt aýrýy naqtylandy. Osyǵan baılanysty búginde veterınarlyq stantsııa mamandarymen is-shara atqarylyp jatyr. Aldaǵy ýaqytta aýyl ákiminiń sheshimimen shekteý sharalary belgilenedi. Respýblıkalyq epızotııa jasaǵynyń mamandary shekteý qoıylǵan aımaqta ekpe jáne dezınfektsııa sharasyn júrgizedi», - dedi Veterınarııalyq baqylaý jáne qadaǵalaý komıtetiniń Aqtóbe oblystyq aýmaqtyq ınspektsııasynyń basshysy Keńes Qanadbaev.

Sonymen birge osy aýdanda 2 mal ólip, synama zerthanaǵa jiberildi.

«Alǵa aýdanynda 2 bas mal belgisiz aýrýdan óldi dep otyrmyz. Naqty neden ólgenin anyqtaý úshin respýblıkalyq ortalyqqa synama jiberildi. Nátıjesine qaraı jumys júrgiziledi», - dedi oblystyq veterınarııa basqarasynyń basshysy Qusaıyn Sársembaı.

Eske salsaq, Alǵa aýdany Bestamaq aýylynda mal arasynda belgisiz aýrý anyqtalyp, qan synamasy zerthanaǵa jiberildi.

Onda iri qara arasyndaǵy ınfektsııalyq aýrý ekeni anyqtaldy.


Joǵary qaraı