Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqtóbede «qyzyl» mártebesi bar adamdarǵa 3 mln teńge aıyppul salyndy

2021 jyldyń 27 qyrkúıek 2021 19:18

AQTÓBE. QazAqparat – Aqtóbede karantın shekteýin buzǵan adamdarǵa aıyppul salynyp jatyr. Búginge deıin «qyzyl» mártebesi bar 300-den astam adamnyń oqshaýlaný erejesin saqtamaǵany anyqtaldy, dep habarlaıdy QazAqparat tilshisi.

Aqtóbede 4 myńnan astam kásipkerlik nysan men mekemede «Ashyq» qosymshasy bar. Tekserý júrgizý kezinde «sary» statýsy bar 238 jáne «qyzyl» mártebesi bar 314 adam anyqtalǵan. «Sary» mártebesi bar 100 adamǵa Aqtóbe qalalyq bas memlekettik sanıtarııalyq dárigeriniń qaýlysy túsindirildi. Al «qyzyl» statýsy bar 77 jeke adamǵa Ákimshilik quqyq buzýshylyq týraly Kodekstiń 425-baby 1-tarmaǵymen ákimshilik shara qoldanylyp, 3, 4 mln teńgege aıyppul salyndy.

«Mobıldi monıtorıngtik toptardan jáne jergilikti polıtsııa qyzmetinen túsken materıaldarǵa sáıkes 88 mln teńgege 877 aıyppul salyndy. Shekteý sharalaryn buzǵandar qatarynda meıramhanalar, dúkender, laýndj bar jáne taǵy basqa nysandar bar. 17-23 qyrkúıek aralyǵynda 30 materıal tústi. Saltanatty is-shara ótkizgenderi úshin «Jeti Qazyna», «Kerege», «Altyn Saraı», «Kolezeı» meıramhanalaryna, «Solnechnyı» jáne «Kók Jaılaý» demalys ortalyqtaryna aıyppul salyndy. Betperde rejımin saqtamaǵany úshin «Alkomarket» dúkenine ákimshilik shara qoldanyldy. Karantın rejımin saqtamaǵany úshin «Barshylyq», «Astana», «Elektron», «ıArmarka», «Mega Shyǵys», «Mereı» saýda úılerine jáne «Movie room» kınoteatryna, «Alser» dúkenine aıyppuldar salyndy», - dedi oblystyq sanıtarııalyq-epıdemıologııalyq baqylaý departamenti basshysynyń orynbasary Muhtar Serbaev.


Joǵary qaraı