Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqtóbede kóne tarıhı eskertkishterdi zertteý jumysy jalǵasady

2021 jyldyń 24 qarasha 2021 03:10

AQTÓBE. QazAqparat - Aqtóbede keler jyly tarıhı eskertkishterdi zertteý jumysy jalǵasady, dep habarlaıdy QazAqparat tilshisi.

Aqtóbe arheologtary Á.Marǵulan atyndaǵy arheologııa ınstıtýtymen birge jumys istep, birneshe baǵytta zertteý jumysyn júrgizip jatyr.

Olar jyldy qorytyndylap, aldaǵy josparyn bólisti.

«Qazaqstannyń kıeli jerler geografııasy» jobasy aıasynda Aqtóbe oblysynda 2021-2024 jyldarǵa arnalǵan jol kartasy bekitilgen.

Bıyl jol kartasynyń 14 jobasy oryndalyp, zertteý júrgizildi.

Máselen Muǵaljar aýdanynyń aýmaǵynda sarmat dáýirindegi biregeı artefaktteri bar qorym tabyldy.

«Keler jylǵa josparymyz kóp. Aqtóbe oblysynyń aýmaǵy orasan zor ári tarıhı eskertkishterge toly. Bizdiń bastamalarymyzǵa qoldaý kórsetkenińiz úshin alǵys aıtamyz»,- dedi Á.Marǵulan atyndaǵy arheologııa ınstıtýtynyń dırektory Aqan Ońǵar oblys ákimine.

Kezdesýdi túıindegen oblys ákimi Ońdasyn Orazalın júrgizilip jatqan ǵylymı-zertteý jumystarynyń mańyzyn atap ótip, jergilikti atqarýshy organdardyń tarıhı-mádenı murany zertteýge, saqtaýǵa jáne dáripteýge jan-jaqty qoldaý kórsetýdi jalǵastyratynyn aıtty.


Joǵary qaraı