Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqtóbede kólik ishinen gazdan ýlanǵan eki adamnyń denesi tabyldy

2021 jyldyń 29 qarasha 2021 16:25

AQTÓBE. QazAqparat – Aqtóbede kólik ishinen eki adamnyń denesi tabyldy. Boljam boıynsha olar gazǵa tunshyǵyp qalǵan, dep habarlaıdy QazAqparat tilshisi.

Oqıǵa 28 qarasha kúni saǵat 17:32-de tirkeldi.

Aqtóbe qalasyndaǵy №7 garaj kooperatıvine tıesili garajdardyń birinde «VAZ-21099» avtokóliginen 50 jastaǵy er adam men 49 jastaǵy áıeldiń denesi tabyldy.

Múrdede zorlyq-zombylyq belgileri anyqtalmady.

«Boljam boıynsha olar gazdan ýlanyp, kóz jumǵan. Sot-medıtsınalyq saraptama taǵaıyndaldy. Gaz nemese kómirtegi totyǵy (CO) qaýipti. Onyń túsi de, dámi de, ıisi de joq bolǵandyqtan alǵashynda aıtarlyqtaı áseri bolmaıdy. Іshki organızmge engen ýaqytta adam ýlana bastaıdy», - dep habarlady oblystyq PD baspasóz qyzmetiniń jetekshisi Erbolat Sarqulov.


Joǵary qaraı