Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqtóbede etnomádenı birlestik ókilderi marapattaldy

2021 jyldyń 4 jeltoqsan 2021 01:54

AQTÓBE. QazAqparat - Aqtóbede Táýelsizdiktiń 30 jyldyǵyna arnalǵan «Qazaqstan – dostyq mekeni» atty saltanatty shara ótti, dep habarlaıdy QazAqparat tilshisi.

Sharaǵa eńbek ardagerleri, etnomádenı birlestikterdiń ókilderi, «Birlik» aqsaqaldar keńesi men Analar keńesiniń músheleri, qoǵam qaıratkerleri qatysty. Ulttyq kıim kórmesi kórsetilip, Qazaqstan halqy Assambleıasynyń

«Beıbitshilik pen kelisimniń 30 jyly» halyqtyq ekspedıtsııasy« jalpy respýblıkalyq jobasy negizinde jasalǵan bes serııaly fılmniń tusaýkeseri kórsetildi.
»30 jyl ishinde egemendi elimiz damyp, búginde beıbitshilik elshisi retinde tanyldy. Táýelsiz Qazaqstannyń irgetasyn qalaý, qabyrǵasyn qalyptastyrý, shańyraǵyn kóterý Qazaqstan Respýblıkasynyń Tuńǵysh Prezıdenti Nursultan Nazarbaevtyń eren eńbegi desek, sol shańyraqtyń shaıqalmaı, bosaǵasy berik, keregesi keń bolýyna ózderińizdiń qosqan úlesińiz zor ekeni sózsiz. Óıtkeni qazaq eli búgin bir shańyraqtyń astyndaǵy túrli etnos ókilderiniń dostyǵy men ózara yntymaqtastyǵynyń álem moıyndaǵan teńdesi joq sımvolyna aınaldy. Bizdiń maqsatymyz – óńirimizde turaqtylyqty saqtap, ekonomıkalyq órkendeýdi udaıy, ári turaqty túrde damytý. Otanymyzdyń kemeldi keleshegi men baıandy bolashaǵy úshin adal qyzmet jasaıtyn jas býyndy tárbıeleý. Bir ult - bir til, ıaǵnı memlekettik tildi ıgerý - eldiń bolashaǵyna degen senimniń shynaıy kórinisi ekendigin udaıy dáripteý barshamyzdyń azamattyq boryshymyz«,- dedi Aqtóbe oblysynyń ákimi Ońdasyn Orazalın.
Sodan keıin óńir basshysy oblystaǵy birqatar etnomádenı birlestikke beıbitshilikti, tózimdilik pen kelisimdi nyǵaıtýǵa qosqan úlesi úshin alǵys hattar tabys etti.
Aıta keteıik, qazirgi tańda Aqtóbe oblysynda 90-ǵa jýyq ult ókili turady.

Joǵary qaraı