Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Aqtóbede eki kúnnen keıin TJ rejımi aıaqtalýy múmkin – oblys ákimi

2022 jyldyń 14 qańtar 2022 19:45

AQTÓBE. QazAqparat – Eki kúnnen soń Aqtóbede tótenshe jaǵdaı rejımi aıaqtalýy múmkin. Bul týraly oblys ákimi Ońdasyn Orazalın brıfıngte aıtty, dep habarlaıdy QazAqparat tilshisi.

Aqtóbe oblysynda ákimdik ǵımaratynan ózge nysan búlingen joq. Al oblys ákimdiginiń shyǵyny ázirge 300 mln teńge dep baǵalanyp otyr.

«Qazir shyǵyn kólemi anyqtap jatyr. Ogrtehnıka búlindi. Esik-tereze synǵan. Tipti ashanada qasyq-shanyshqyny alyp ketken. Baspasóz qyzmetshisiniń aldyndaǵy kitaptarǵa tıispegen, biraq kompıýteri búlingen eken. Memlekettik qyzmetkerlerdiń jeke zattary da joǵalyp ketken. Telefon, saǵaty bar», - dedi Aqtóbe oblysynyń ákimi Ońdasyn Orazalın.

Sonymen birge oblys ákimi tótegshe jaǵdaı rejımin alyp tastaýǵa qatysty óz pikirin bildirdi.

«Tótenshe jaǵdaı rejımi Memleket basshysynyń buıryǵymen engizildi. Óńirdegi jaǵdaıdy eskerip, Memleket basshysyna eki kúnnen soń tótenshe jaǵdaı rejımin alyp, erkin qozǵalysqa ruqsat berýdi surap, ótinish berdim. Shekteý qala turǵyndary úshin qıyndyq týdyratynyn bilemin. Ákimdik janyndaǵy bıznes nysandary da jumysyn jalǵastyrar edi. Degenmen qaýipsizdik kúsheıtiledi», - dedi Ońdasyn Orazalın.

Oblystyq polıtsııa departamenti baspasóz qyzmetiniń habarlaýynsha, tótenshe jaǵdaı aıaqtalǵanymen, blokposttar jumysyn jalǵastyra beredi.


Joǵary qaraı