Aýa raıy
Astana 2 °S
Almaty 10 °S
valıýta baǵamy
USD 421.58
EUR 496.83
RUB 5.53
CNY 62.20

Aqtóbede dári baǵasyn ósirgen dárihanalar qyzmetin toqtatty

2020 jyldyń 26 qyrkúıek 2020 02:41

AQTÓBE. QazAqparat – Іndet órshigen kezde dári baǵasyn kótergen dárihanalarǵa 32 mıllıon teńgeden astam aıyppul salyndy, dep habarlaıdy QazAqparat tilshisi.

«Aqtóbe – adaldyq alańy» jobalyq keńsesi monıtorıng jumysyn qorytyndylady. Dári baǵasyn baqylaý kezindegi kemshilikterdi tizdi. Monıtorıng júrgizýge oblystyq taýarlar men kórsetiletin qyzmetterdiń sapasy men qaýipsizdigin baqylaý departamenti, Aqtóbe oblysynyń prokýratýrasy, oblystyq sybaılas jemqorlyqqa qarsy departament, «Aqtóbe-adaldyq alańy» jobalyq keńsesi, Ekonomıkalyq tergeý departamentiniń ókilderi qatysty.

«20-shilde men 11-qyrkúıek kúni aralyǵynda 73 ákimshilik is qozǵalyp, 32 mln teńge aıyppul salyndy. Kóbi antıbıotık qunyn shekti baǵadan asyryp satqan. Sol úshin de mamandandyrylǵan ákimshilik sottyń sheshimimen 5 dárihananyń qyzmeti toqtatyldy. Olar: «Gıppokrat», «Aqqý», «Mıllenıým» dárihanasy. Monıtorıng barysynda «Gıppokrat» dárihanasynda Qazaqstan Respýblıkasynyń aýmaǵynda tirkelmegen jáne qoldanýǵa ruqsat etilmegen dárilik zattardy ilespe qujattarsyz satyp alý, saqtaý jáne satý faktisi anyqtaldy», - dedi «Aqtóbe-adaldyq alańy» jobalyq keńsesiniń basshysy Janbolat Turtaev.





Aıta ketý kerek, qazirde Aqtóbe oblysynda dári-dármek jáne medıtsınalyq buıymdarmen qamtamasyz etý boıynsha jaǵdaı turaqtaldy. Sýyq tııý kezinde halyq arasynda suranysqa ıe bolatyn antıbıotıktiń 5 ataýyna shekti baǵa bekitildi. Sondaı-aq, dárihanalarda oblystyq taýarlar men kórsetiletin qyzmetterdiń sapasy men qaýipsizdigin baqylaý departamentiniń telefon nómirleri (telefondar: 55-75-18, 55-75-19) týraly aqparat ilingen. Dari.kz mobıldi qosymshasyn júktep, dárilik zattardyń shekti baǵasy týraly aqparatty alýǵa bolady.





Joǵary qaraı