Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqtóbede bıyl 200-den astam aýla jóndeledi

2021 jyldyń 15 qazan 2021 02:16

AQTÓBE. QazAqparat - Aqtóbede bıyl 220 aýla jóndelip, 67 balalar alańy salynady, dep habarlaıdy QazAqparat tilshisi.

Aqtóbe oblysynyń ákimi Ońdasyn Orazalın Aqtóbe qalasyn abattandyrý jáne ınfraqurylymdyq damýy boıynsha birqatar jobany qarap shyqty.

Eski qaladaǵy gúl baqtary men alleıalardy qalpyna keltirý jumysy áli júrip jatyr.

«Ahtanov sharshysyn» qalpyna keltiremiz, bul – Qobylandın kóshesi boıyndaǵy gúl baǵy, Shernııaz kóshesiniń bir bóligi, sosyn Altynsarın kóshesinen Jangeldın eskertkishine deıingi jer. Qıyrshyq tas tósep, 120 sham ornatamyz, eski qorshaýlardy aýystyramyz. 54 shaǵyn sáýlet pishini men baspaldaqtardy qalpyna keltiremiz»,- dedi merdiger mekeme dırektorynyń orynbasary Aleksandr Galtsev.

Jumystar qazan aıynyń sońyna qaraı aıaqtalady dep josparlanyp otyr.

Oblys ákimi aýlasy bar aýmaqtardyń abattandyrylýymen de tanysty.

Ol Ábilqaıyr han dańǵyly men Aldııarov kóshesi boıyndaǵy birqatar aýlaǵa baryp, jergilikti turǵyndarmen tildesti.




«Bizge qatty unaıdy. Aýlamyzdyń jańartylyp, balalar alańynyń ornatylǵany qýantady. Qazir asfalt tósep jatyr, jıektestar ornalastyryp jatyr. Osylaı jalǵastyra berińizde qalada bári jaqsy bolady»,- dedi qala turǵyny Vıacheslav Sýhonosov.

Osy jyldyń qorytyndysy boıynsha oblys ortalyǵynda 220 aýla jóndelip, balalar oınaıtyn 67 alań ornatylady, 9 saıabaq pen gúl baǵy qalpyna keltiriledi.








Joǵary qaraı