Aýa raıy
Astana -24 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Aqtóbede bir top adam shoshqa fermasynyń jumysyna qarsy shyqty

2020 jyldyń 19 qarasha 2020 22:30

AQTÓBE. QazAqparat – Aqtóbede shoshqa fermasynyń jumysyn tekserý úshin arnaıy komıssııa quryldy, dep habarlaıdy QazAqparat tilshisi.

Aqtóbe oblysy Alǵa aýdanynyń turǵyndary búgin shoshqa fermasyndaǵy biraz kemshilikti atady. Olar ishek-qaryndy joıý, ólekseni zalalsyzdandyrý jumysy júrgizilmeıtinin, kómý kezinde biraz talaptyń saqtalmaǵanyn aıtty.

Qolqany qabatyn ıis te turǵyndardyń tynyshyn qashyrǵan. Osyǵan baılanysty oblys ákiminiń orynbasary Amanǵalı Berdalın mán-jaıdy túsindirdi.

«Oblys ákimi Ońdasyn Orazalınniń tapsyrmasyna sáıkes shoshqa fermasyna bardyq. Yntaly toptan on adam, quzyrly organ ókilderi men ekologııa, veterınarııa mamandary komıssııa quramynda bar. Shaǵyn jáne orta bıznesti tekserýge moratorıı salynǵanyn umytpaǵan jón. Qazir ruqsat alyp jatyrmyz. Búginnen bastap tekserý aıaqtalǵansha shoshqa soıýǵa tyıym salyndy», - dedi oblys ákiminiń orynbasary Amanǵalı Berdalın.

Al oblystyq ekologııa departamenti mundaı aryz buryn túspegenin, búgin ǵana shaǵym berilgenin málimededi.

«Baryp, mamandar jaǵdaımen tanysty. Bestamaq aýyly turǵyndary atynan aryz tústi. Endi tekserý bastalady. Kásipkerge tekseretinimiz týraly habarlama berdik. Ekologııalyq zańdylyqty buzǵany anyq kórinip tur», - dedi oblystyq ekologııa departamentiniń basshysy Nurjan Aqqul.





Joǵary qaraı