Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqtóbede balalar aýrýhanasynan kereýet tappaǵan ana men bala oryndyqqa túnep shyqty

2021 jyldyń 15 qazan 2021 00:15

AQTÓBE. QazAqparat - Aqtóbelik 3 jasar balasymen birge aýrýhanaǵa túsip, dálizdegi oryndyqqa túnep shyqqan. Bul aqparatty oblystyq densaýlyq saqtaý basqarmasy rastady, dep habarlaıdy QazAqparat tilshisi.

Aqtóbe qalasyndaǵy balalar aýrýhanasyna túsip, em alyp jatqan sábıler sany artqan.

Saldarynan bólmelerde kereýet bosamaı, keıbiri dálizge ornalastyrylǵan.

Muny sol jerde em qabyldap jatqan naýqastyń anasy jazdy.

«Eki kún boıy úsh jasar balammen aýrýhanada jatyrmyn. Oryn tapshylyǵynan bizdi jáne birneshe ana men balany dálizge ornalastyrdy. Qyzymda pnevmonııa. Qyzýy 39 °C deıin kóterildi. Al men ony qolymnan túsirip, kereýetke jatqyza almaımyn. Sebebi oryn joq. Bir oryndyq berdi. Keıin ózge analardyń jany ashyp, qyzymnyń jatyp, tynyǵýyna jaǵdaı jasady. Oryndyqtaryn bergen soń, bir-birine qosyp aldym»,-dep jazdy ol.

Bul suraqqa oblystyq densaýlyq saqtaý basqarmasy basshysynyń orynbasary Aıgúl Kúshtaeva jaýap berdi.

Onyń habarlaýynsha, aýrýhanaǵa balalar kóp túsip jatyr.

«Kúz kelgende balalar sýyq tıip aýyryp, aýrýhanaǵa túsip jatyr. Kóbine bronhıt jáne bronhıolıt dıagnozymen túsedi. Aýrý 1 jasqa tolmaǵan balalar arasynda kezdesedi. Qazir qalalyq balalar aýrýhanasynda adam kóp. Bul aýrýhanadaǵy somatıkalyq bólimshede 48 kereýet bar. Tolǵan soń nevrologııa bólimshesi de qosymsha berildi. Negizi jasqa tolmaǵan bala aýyrsa, asqynyp ketpes úshin aýrýhanaǵa jatqyzamyz. 14-qazanǵa qaraǵan túni naýqastarǵa medıtsınalyq kómek kórsetildi jáne dálizge ornalastyryldy. Keıin aryz túsirgen naýqasqa kereýet berilip, palataǵa ornalastyryldy. Ol 12-qazan kúni emhananyń joldamasymen kelgen. PTR synamasy teris. Naýqas em qabyldap jatyr»,- dedi Aıgúl Kúshtaeva.








Joǵary qaraı