Aýa raıy
Astana 5 °S
Almaty 0 °S
valıýta baǵamy
USD 421.58
EUR 496.83
RUB 5.53
CNY 62.20

Aqtóbede aýdandyq aýrýhanalarǵa reanımobıl berildi

2020 jyldyń 1 qazan 2020 03:46

AQTÓBE. QazAqparat - Aqtóbege 19 jedel járdem kóligi jetkizildi, dep habarlaıdy QazAqparat tilshisi.

Aqtóbe oblysynyń ákimi Ońdasyn Orazalın óńirdegi juqpaly aýrýlar, onyń ishinde koronavırýs ınfektsııasy kezinde jedel kómek kórsetýge arnalǵan 19 reanımobıldiń kiltin tabystady. Sońǵy úlgidegi qural-jabdyqtarmen qamtamasyz etilgen jedel járdem kólikteri Aqtóbe qalalyq emhanalary men Qobda, Alǵa, Muǵaljar, Yrǵyz, Baıǵanın, Hromtaý, Oıyl, Shalqar, Embi, Temir aýdandyq aýrýhanalaryna berildi.
«Halyqqa kómek kórsetýdiń negizgi baǵyttarynyń biri - jedel medıtsınalyq járdem berý. Naýqastardyń ómirin arashalaýǵa alǵash bolyp jedel járdem brıgadasy barady, al dertke shaldyqqandardyń taǵdyry dárigerlerdiń áreketterine, jabdyqqa, sonyń ishinde kólikke baılanysty. Pandemııa kezinde azamattarǵa aıanbaı kómek kórsetkenderińiz úshin alǵys bildiremin»,- dedi Ońdasyn Orazalın. 10 myń halqy bar eldi mekende 1 jedel járdem kóliginiń bolýy mindetti dep kórsetilgen Densaýlyq saqtaý mınıstrliginiń talabynda. Aqtóbe oblysynda bul sharalar belsendi júzege asyrylyp otyr. Jyl basynan beri 22 jedel-járdem kóligi satyp alynsa, qazan aıynyń sońyna deıin taǵy da 22 medıtsınalyq kólik jetkiziledi. Tabys etilgen 19 kóliktiń ishi qajetti medıtsınalyq jabdyqpen tolyq qamtamasyz etilgen. Onda ókpeni jasandy jeldetý apparatynan bastap, defıbrıllıator, elektrokardıograf, monıtor ornatylǵan.


Joǵary qaraı