Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqtóbede alaıaqtyqqa qatysty qylmystyq ister 49% artty

2021 jyldyń 28 qazan 2021 07:53

AQTÓBE. QazAqparat – Aqtóbede bıyl alaıaqtyqqa qatysty 1648 qylmystyq is tirkeldi. Bul ótken jylmen salystyrǵanda 49% artyq, dep habarlaıdy QazAqparat tilshisi.

Aqtóbe oblystyq PD baspasóz qyzmetiniń habarlaýynsha, shamamen árbir besinshi alaıaqtyq isi azamattardyń jeke derekterin bógde adamnyń ıemdengen kezinde tirkeledi.

Qazir ınternet alaıaqtarynyń sany artty. Soǵan oraı «Internet alaıaqtyq faktileri boıynsha tirkelgen qylmystyq isterdi tergeý jáne ashý kezindegi problemalyq máseleler týraly» taqyrybynda semınar ótti.

Semınarǵa oblystyq PD bastyǵynyń orynbasary Ǵalym Baıjanov, Aqtóbe oblysy boıynsha qarjy naryǵyn retteý jáne damytý basqarmasynyń bastyǵy Janar Aıtbaı jáne ekinshi deńgeıli bankterdiń ókilderi qatysty.

«Oblystyq PD-niń óndirisinde alaıaqtyq faktileri boıynsha 1 979 qylmystyqis tirkelgen. Onyń 1 648-i bıyl esepke alyndy. Bul ótken jyldyń sáıkes kezeńimen salystyrǵanda 49% artyq. Tsıfrlandyrýdyń, onyń ishinde ınternet saýdanyń jáne onlaın bıznestiń damýyna baılanysty qylmystyń osy túri ósip tur. Azamattardyń senimine ıe bolý ońaı. Tipti alaıaqtyń qurbany bolatynyn bile tura ári qaraı ınternet jelisindegi kúmándi kelisimderdi qoldaıdy», - dedi Aqtóbe oblysy PD Tergeý basqarmasynyń bastyǵy Áset Qalıev.

Keıde ekinshi deńgeıdegi bankter jáne mıkro-kredıttik uıymdar sot jáne prokýror sanktsııa berse de aqparat berýden bas tartady.

Sondaı-aq sotqa deıingi tergep-tekserý organy suratatyn barlyq aqparatty usynbaıdy.

Sondyqtan polıtsııa qyzmetkerleri men bank ókilderi azamattardy alaıaqtyqtan qorǵaý maqsatynda yntymaqtastyq týraly memorandýmǵa qol qoıdy.

Joǵary qaraı