Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqtóbede 800-den astam adam ınfektsııalyq aýrýhanada jatyr

2021 jyldyń 29 shilde 2021 21:42

AQTÓBE. QazAqparat – Aqtóbede ınfektsııalyq statsıonarlardyń 53% toldy. Qazir 800-den astam adam emdelip jatyr, dep habarlaıdy QazAqparat tilshisi.

Aqtóbe oblysy boıynsha ınfektsııalyq, temirjol aýrýhanalary, Aqtóbe medıtsına ortalyǵy, oblystyq ftızıopýlmonologııalyq ortalyq pen oblystyq narkologııalyq dıspanserde koronavırýs ınfektsııasyna shaldyqqandar emdelip jatyr. Barlyǵy 824 adam dáriger baqylaýynda bolsa, onyń 67-si jansaqtaý bólimine túsken.

«Qazir 8 adam ókpeni jasandy jeldetý apparatyna qosýly jatyr. Sonymen birge 35 adam ınvazıvti emes ókpeni jasandy jeldetý apparatyna qosyldy. Jalpy adamdar tumaý belgileri anyqtalsa, úıde emdeledi. Sóıtip asqyndyryp, dáriger kómegine júginedi. Máselen oblystyq ftızıopýlmonologııalyq ortalyqta 40 jastaǵy áıel kóz jumdy. Ol birneshe kún boıy ózi emdelgen. Hattamaǵa sáıkes dári-dármek qabyldaǵanymen, ómirin saqtaý qalý múmkin bolmady. Jalpy shilde aıynda 33 adam kóz jumdy. Naqtylasaq, bir aptada 19-y qaza tapty», - dedi oblystyq densaýlyq saqtaý basqarmasynyń basshysy Bekbolat Іzbasarov.

Aıtyp óteıik, bir táýlikte Aqtóbede taǵy 230 adamnan koronavırýs ınfektsııasy anyqtalyp, úı karantınindegi adam sany 6 myńǵa jýyqtady. Oblystyń bas sanıtar dárigeri karantın shekteýin kúsheıtip, birqatar qyzmet kórsetý ornynyń senbi-jeksenbi kúnderi jumys isteýine tyıym saldy.


Joǵary qaraı