Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqtóbede 406 synyp oqýshylary karantınge jiberildi

2021 jyldyń 20 qyrkúıek 2021 15:54

AQTÓBE. QazAqparat – Aqtóbede jańa oqý jyly bastalǵaly 414 oqýshydan koronavırýs ınfektsııasy anyqtalyp, olar synyptastarymen birge karantınge jiberildi, dep habarlaıdy QazAqparat tilshisi.

Aqtóbe oblysy boıynsha 115 mekteptiń oqýshysynan koronavırýs ınfektsııasy anyqtaldy. Qazir barlyǵy 406 synyp oqýshysy karantınde.

«Bir oqýshydan koronavırýs ınfektsııasy anyqtalsa, olar 14 kúndik karantınge jiberiledi. Oqýshylar 45 mınýt birge otyrady, sondyqtan juǵý qaýpi basym. Oqýshy karantınde bolǵanymen, onyń ata-anasy karantınge jiberilmeıdi. Sebebi ata-ana men vırýs juqtyrǵan oqýshy baılanysta bolmady. Eger oqýshy aýyrsa, otbasy karantınge oqshaýlanady. Tek vaktsına alǵandary jumysyn kedergisiz jalǵastyra alady. Qazirgi kezde 414 oqýshydan vırýs anyqtalyp, olar synyptastarymen birge karantınde», - dedi oblystyq sanıtarııalyq-epıdemıologııalyq baqylaý departamenti basshysynyń orynbasary Gúlbaný Dáýletova.

Aıta keteıik, eger balalarǵa arnalǵan vaktsına jetkizilse, tek oblystyq qan ortalyǵynda saqtalady. Jańa vaktsına 12-18 jas aralyǵyndaǵy balalar men jasóspirimderge berilýi múmkin.


Joǵary qaraı