Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqtóbede 4 júkti kelinshek koronavırýstan kóz jumdy

2021 jyldyń 21 qyrkúıek 2021 10:18

AQTÓBE. QazAqparat – Aqtóbede koronavırýs ınfektsııasyn juqtyrǵan tórt júkti kelinshek kóz jumdy. Úsheýiniń sábıi aman qaldy, dep habarlaıdy QazAqparat tilshisi.

Aqtóbede ınfektsııalyq kereýetter júktemesi 43, al reanımatsııalyq kereýet júktemesi ​ 40 paıyzdy qurap otyr. Sonymen birge 1700-den astam kereýet rezervte tur.

«Qazir aýrýhanadaǵy 800-den astam naýqastyń 88-i jansaqtaý bóliminde jatyr. Jyl basynan beri 521 adam kóz jumdy. Onyń 353-i koronavırýs ınfektsııasy, ózgesi pnevmonııadan», - dedi oblystyq densaýlyq saqtaý basqarmasy basshysynyń orynbasary Aıgúl Kúshtaeva.
Oblys boıynsha jyl basynan beri 4 júkti áıel koronavırýs ınfektsııasynan kóz jumǵan.
«Ókinishke qaraı 26-38 jas aralyǵyndaǵy tórt júkti áıel kóz jumdy. Olardyń júktiligi 34-36 aptalyq edi. Aman-esen ómirge kelgen úsh balany qazir týǵan-týystary tárbıelep jatyr. Bireýi shetinen ketti. Jas analardyń sozylmaly aýrýy bar bolǵan​ soń olardyń​ ómirin saqtap qalý múmkin bolmady. Olar semizdik, sozylmaly holetsıstıt, pıelonefrıt aýrýlaryna shaldyqqan», - dedi Aıgúl Kúshtaeva.


Joǵary qaraı