Aýa raıy
Astana -11 °S
Almaty -1 °S
valıýta baǵamy
USD 421.58
EUR 496.83
RUB 5.53
CNY 62.20

Aqtóbede 3 jasar baladan koronavırýs anyqtaldy

2020 jyldyń 21 qazan 2020 12:31

AQTÓBE. QazAqparat – Sońǵy táýlikte Aqtóbede 3 adamnan koronavırýs ınfektsııasy anyqtaldy. Onyń bireýi 3 jasar bala, dep dep habarlaıdy QazAqparat tilshisi.

Aqtóbede 46 jastaǵy áıel jótelip, dene qyzýy kóterilip, dáriger kómegine júgingen. Keıin odan PTR synama alynyp, vırýstyq ınfektsııa juqtyrǵany anyqtaldy. Buǵan deıin onyń Reseıge barǵany belgili boldy.

«Shalqar aýdanynyń 28 jastaǵy turǵyny óz erkimen synama tapsyryp, odan KVI anyqtaldy. Sonymen birge 3 jastaǵy aqtóbelik te COVID-19 dertiniń sımptomsyz túrine shaldyqty. Bala balabaqshaǵa barmaıdy. Buryn ákesi KVI-diń sımptomsyz túrine shaldyǵyp, ulynan PTR synama alynǵan bolatyn», - dep habarlady Aqtóbe oblystyq taýarlar men kórsetiletin qyzmetterdiń sapasy men qaýipsizdigin baqylaý departamentiniń baspasóz qyzmeti.

Belgili bolǵandaı, oblysta barlyǵy 3273 jaǵdaı tirkeldi. Olardyń 3218-i, ıaǵnı, 98,4% jazylyp shyqty. Qazirgi tańda úı karantınine 71 adam jatyr.


Joǵary qaraı