Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqtóbede 2,6 mln tonna mal azyǵy daıyndalady

2021 jyldyń 11 maýsym 2021 06:38

AQTÓBE. QazAqparat – Aqtóbe oblysynyń sharýalary bıyl bir jarym jyldyq mal azyǵyn daıyndaıdy, dep habarlaıdy QazAqparat tilshisi oblys ákiminiń baspasóz qyzmetine silteme jasap.

Elimizdiń Mańǵystaý, Qyzylorda oblystarynda mal azyǵy jetpeı, jaıylym jer máselesi kóterildi.

Qýańshylyq saldarynyń aldyn alý úshin óńirde mal azyǵyn mol jınaý tapsyryldy.

Bıyl shamamen 2,6 mln tonnadan astam mal azyǵyn, ıaǵnı, bir jarym jyldyq qor daıyndalýy tıis.

«Boljamdarǵa qaraǵanda jaz ystyq bolady. Kórshi oblysta qandaı jaǵdaı bolyp jatqanyn bilesizder. Sol derekterdi eskere otyra, sharýalarǵa mal azyǵyn artyǵymen daıyndaý týraly túsindirý kerek. Eń aldymen, ishki suranysty qamtamasyz etip, múmkindiginshe kórshi óńirge de kómektesken jón»,- dep atap ótken Ońdasyn Orazalın. Budan basqa, oblys ákimi sýarmaly jerlerdi tıimdi paıdalaný suraǵyn da kóterdi. Ońdasyn Orazalın 2,4 myń gektar sýarmaly jer bosqa turǵany úshin Aqtóbe qalasy men Qarǵaly, Hromtaý aýdandary ákimderiniń jumysyn synǵa aldy.

«Buǵan sizder de jol berdińizder. Paıdalanylmaǵan jerlerdi alyp, jumys isteıtinderge berý kerek . Ár gektar boıynsha jospar quryp, egis qurylymyn anyqtańyzdar. Keler jyly kóktemde sýarmaly jerdegi jumysty kidirissiz bastańyzdar», - dep talap etti Ońdasyn Orazalın.

Aıta keteıik, búginde óńirde 10,6 myń gektardan asa sýarmaly jerdi qalpyna keltirý jumysy júrgizilip jatsa, onyń 4,5 myń gektary bıyl paıdalanýǵa berilmek.


Joǵary qaraı