Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqtóbede 175 stýdent oblys ákiminiń shákirtaqsysyna ıe boldy

2021 jyldyń 12 qazan 2021 23:51

AQTÓBE. QazAqparat - Bıyl arnaýly orta jáne joǵary oqý oryndarynyń 175 stýdenti oblys ákiminiń grantyn aldy, dep habarlaıdy QazAqparat tilshisi.

Stýdenttermen kezdesý barysynda oblys ákimi Ońdasyn Orazalın jastarǵa baǵyttalǵan jan-jaqty qoldaýǵa toqtalyp, oqý oryndarynyń 10 ókiline ataýly stıpendııasyn tabys etti.
«Memleket basshysy atap ótkendeı, jas urpaqty qoldaý óte mańyzdy. Óıtkeni memlekettiń damýy men bolashaǵy tikeleı osyǵan baılanysty. Búgin óńirimizdegi joǵary jáne arnaýly orta oqý oryndarynyń úzdik jáne belsendi stýdentterimen kezdesip, ataýly stıpendııany tabystadym. Jalpy ataýly stıpendııa yntalandyrý maqsatynda sońǵy úsh jyldan beri oqý úlgerimi joǵary jáne oblystyń qoǵamdyq jumystaryna etene aralasyp júrgen 2-3 kýrs stýdentterine taǵaıyndalyp keledi. Jaýapty sala basshylaryna bul ıgi isti júıeli túrde júrgizip otyrýdy tapsyrdym», - dep atap ótti oblys ákimi.
Aıta ketsek, oblys ákiminiń stıpendııasy 2017 jyldan beri berilip kele jatyr. Osy jyldar aralyǵynda joǵary oqý oryndarynyń 1074, kásiptik-tehnıkalyq bilim berý uıymdarynyń 300 stýdentine ataýly stıpendııa taǵaıyndaldy. Bıylǵy jyly stıpendııa oqý úlgeriminde oń kórsetkishi bar, qoǵamdyq ómirge belsene qatysatyn talantty jáne daryndy, áleýmettik osal toptaǵy 175 adamǵa taǵaıyndaldy. Joǵary oqý oryndarynyń 145 stýdentine 160 myń teńge kóleminde jáne kásibı-tehnıkalyq bilim berý mekemeleriniń 30 stýdentine 80 myń teńge kóleminde beriledi.


Joǵary qaraı