Aýa raıy
Astana -18 °S
Almaty -4 °S
valıýta baǵamy
USD 421.58
EUR 496.83
RUB 5.53
CNY 62.20

Aqtóbede 167 dana kıik múıizi tárkilendi

2020 jyldyń 30 qazan 2020 17:12

AQTÓBE. QazAqparat – Aqtóbede «Brakoner» jedel-aldyn alý sharasy kezinde 167 dana kıik múıizi tárkilendi, dep habarlaıdy QazAqparat tilshisi.

Polıtsııa Shalqar aýdanynyń Begimbet kentinde 36 jastaǵy jergilikti turǵyn men 28 jastaǵy Qyzylorda oblysy Aral aýdanynyń turǵynyn ustady.

«Memlekettik tirkeý nómiri joq «Planeta-3» markaly mototsıkldi tintý barysynda 167 dana kıik múıizi bar qap tárkilendi. Budan basqa, úı qoımasy bólmesinen 12 kalıbrli «IJ-18mm» bir uńǵyly ańshylyq myltyǵy jáne 12 patron, as bólmesinen salmaǵy 5 keli kıik eti tabyldy. Qylmystyq kodekstiń 339-baby 1-tarmaǵy, ıaǵnı, «Sırek kezdesetin jáne quryp ketý qaýpi tóngen, sondaı-aq paıdalanýǵa tyıym salynǵan ósimdikter men janýarlardyń túrlerin, olardyń bólikterin nemese derıvattaryn zańsyz paıdalaný» baby boıynsha sotqa deıingi tergeý amaldary bastaldy. Kúdiktiniń biri ýaqytsha ustaý ızolıatoryna qamaldy. Kıik múıizderin kóterme satyp alýmen jáne olardy jaqyn shetelderge ótkizýmen aınalysatyn adamdardy anyqtaýǵa baǵyttalǵan jedel-izdestirý sharasy júrgizilip jatyr», - dedi oblystyq PD baspasóz qyzmetiniń jetekshisi Erbolat Sarqulov.





Joǵary qaraı