Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqtóbede 16 kazıno ashyp, tabys taýyp kelgen qylmystyq top sottaldy

2021 jyldyń 6 jeltoqsan 2021 11:41

AQTÓBE. QazAqparat - Aqtóbe oblysynda zańsyz qumar oıyndarǵa qatysy bar qylmystyq top qyzmetiniń joly kesildi, dep habarlaıdy QazAqparat.

Qumar oıyn bıznesi - óziniń kiristiligine baılanysty árdaıym uıymdasqan qylmystyq toptardyń qyzmetin qarjylandyrýdyń qýatty kózderiniń biri bolyp keldi.

Oıyn bıznesi esebinen qylmystyq top óziniń qylmystyq áreketiniń basqa túrlerin qarjylandyrady.

Qarjylyq monıtorıng agenttigi oıyn bıznesin zańsyz uıymdastyrý derekteriniń, sondaı-aq qylmystyq toptar qyzmetiniń jolyn kesýde.

Mysaly, Aqtóbe oblysynda aýmaqtyq departament qyzmetkerleri quramynda 10 adam - A.Ábýbákirov, Z.Ámirjanov, A.Dúımuhanova, A.Beknazarov, T.Іzbaǵanbetov, J.Espambetov, A.Mataıýpov, Q.Saǵyntaev, A.Tarjanov, R.Shagraev bar uıymdasqan qylmystyq topty joıdy.

Onyń músheleriniń rólderi «baqylaýshy-menedjerler» (operator-kassırlerdi baqylaý) jáne «oıyn termınaldarynyń baqylaýshy-menedjerleri» (aqsha qarajatyn ınkassatsııalaý) bolyp bólindi.

Qylmystyq top Aqtóbe oblysynyń aýmaǵynda «Stavkabet.kz» býkmekerlik keńse túrinde 16 zańsyz oıyn mekemesin - elektrondyq kazıno uıymdastyrdy

Barlyq tárkilenip alynǵan zattaı dáleldemeler memleket kirisine aınaldyrylǵan.

UQT-nyń barlyq músheleri ártúrli merzimge bas bostandyǵynan aıyryldy.


Joǵary qaraı