Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Aqtóbede 150 myń tonnaǵa jýyq ónerkásiptiń zııandy qaldyǵy dalaǵa tógilgen

2022 jyldyń 16 mamyr 2022 10:48

NUR-SULTAN. QazAqparat - Aqtóbe ferroqorytpa zaýyty ekologııalyq turǵydan ruqsaty joq kásiporyndarǵa 150 myń tonnaǵa jýyq qaýipti qaldyqtardy ótkizgen, dep habarlaıdy QazAqparat QR Bas prokýratýrasyna silteme jasap.

«Bas prokýratýra ýákiletti organdardyń tabıǵatty qorǵaý salasynda ekologııalyq zańnamalardyń saqtaýyna tekserý júrgizdi. Prokýrorlar, kásiporyndardyń óndiristik qaldyqtardy óńdeýsiz ruqsat etilmegen jerlerge tókkeni týraly 43 faktini tirkedi. Mysaly, Aqtóbe ferroqorytpa zaýyty ekologııalyq turǵydan ruqsaty joq kásiporyndarǵa 150 myń tonnaǵa jýyq qaýipti qaldyqtardy ótkizgen. Al, kásiporyndar, sol qaldyqtardy óńdeýsiz qaladaǵy bos jatqan jerlerge tastaǵan» delingen habarlamada.

Búgingi kúnde kináli tulǵalar ákimshilik jaýapkershilikke tartyldy. Olardan 80 mln. teńgeden astam shyǵyn óndirildi. Oǵan qosa, zaýytqa qorshaǵan ortaǵa emıssııa túrinde 1 mlrd 600 mln teńge kóleminde tólemaqy esepteldi.

Elde ruqsat etilmegen polıgondardyń kólemi de azaımaýda.

««Qazaqstan Ǵarysh Sapary» mekemesiniń ǵaryshtyq baqylaý nátıjesine sáıkes, óńirlerde jyl saıyn 9 myńǵa jýyq jańa polıgon anyqtalady. Mysaly, Almaty qalasynyń prokýratýrasy Alataý, Medeý jáne Túrksib aýdandarynan 17 kommýnaldyq jáne óndiristik qaldyqtar kómilgen jerdi tapqan. Qazirgi kezde prokýratýranyń talaby boıynsha qoqys polıgondary joıyldy.

Jalpy, tekserý qorytyndysy boıynsha, Aqtóbe, Almaty. Qyzylorda, Pavlodar, Shyǵys Qazaqstan oblystary jáne Almaty qalasy boıynsha Ekologııa departamentteriniń basshylary, sondaı-aq profıldi mınıstrliktiń laýazymdy tulǵalary tártiptik jaýapqa tartyldy» dep habarlaıdy QR bas prokýratýrasy.

Tabıǵat qorǵaý ınspektorlary bıýdjetke 33 mlrd teńgege jýyq ekologııalyq shyǵyndy, sondaı-aq 12 mlrd teńge kólemindegi ákimshilik aıyppuldy óndirdi.

Úkimetke zań buzýshylyqtardy joıý týraly usynys engizildi.


Basty sózder: Aqtóbe oblysy, Ekologııa,
Joǵary qaraı