Aýa raıy
Astana 3 °S
Almaty 15 °S
valıýta baǵamy
USD 421.58
EUR 496.83
RUB 5.53
CNY 62.20

Aqtóbede 147 ókpeni jasandy jeldetý apparatyna tapsyrys berildi

2020 jyldyń 30 qyrkúıek 2020 23:09

AQTÓBE. QazAqparat – Aqtóbede koronavırýs ınfektsııasyna qarsy kúres jumysy pysyqtaldy, dep habarlaıdy QazAqparat tilshisi oblys ákiminiń baspasóz qyzmetine silteme jasap.

Aqtóbe oblysy ákiminiń birinshi orynbasary Nurjaýǵan Qalaýov óńirdegi epıdemıologııalyq jaǵdaıdyń turaqty ekenin jetkizdi.

«Tósek-oryn júktemesi 78%-dan 16,2%-ǵa tómendedi. 315 tósek-oryn daıyndaldy. Taǵy 3 588 tósek-oryn rezervte tur. Jedel járdem shaqyrtý úsh ese, naýqastardy statsıonarlarǵa jatqyzý 10 ese azaıdy»,- dedi Nurjaýǵan Qalaýov.

Daıyndalǵan tósek-orynnyń 401-i jansaqtaý bóliminde. Jaz boıy eki emdeý mekemesi jóndeldi. Statsıonarlar tıisti jabdyqtarmen jaraqtanǵan. Kereýetter ottegimen 93% qamtylyp, úsh statsıonar ortalyqtandyrylǵan ottegi júıesine qosyldy. Qosymsha ókpeni jasandy jeldetetin 147 apparat, kompıýterlik tomograf, 13 statsıonarlyq rentgen apparaty, eki jyljymaly rentgen apparaty, avtonomdy ottegi beketi men eki jyljymaly medıtsınalyq keshen jetkizilýi tıis. Medıtsınalyq mekemelerde dári-dármek jáne jeke qorǵanys quralynyń qory bar. Barlyǵy 37 baqylaý toby 1 000 zań buzýshylyqty anyqtap, 816 materıal qaraldy. Nátıjesinde 71,5 mln teńgege aıyppul salyndy

«Barlyq aýrýhanalardyń sanıtarlyq talaptarǵa sáıkestigin, jabdyqtardyń, dárilik zattardyń, jeke qorǵanys zattarynyń baryn tekserińizder. Eger jaǵdaı nasharlasa qalalyq statsıonarlarǵa júk túspeý kerek»,- dep tapsyrdy oblys ákimi Ońdasyn Orazalın.


Joǵary qaraı