Aýa raıy
Astana -8 °S
Almaty -9 °S
valıýta baǵamy
USD 421.58
EUR 496.83
RUB 5.53
CNY 62.20

Aqtóbe oblysynyń ekologııalyq problemalaryn sheshýge baǵyttalǵan 33 is-shara bekitildi

2020 jyldyń 24 qarasha 2020 10:53

NUR-SULTAN. QazAqparat – Aqtóbe oblysynyń ekologııalyq problemalaryn sheshýge baǵyttalǵan 33 is-shara bekitildi, dep habarlaıdy QazAqparat tilshisi.

Úkimet otyrysynda Ekologııa geologııa jáne tabıǵı resýrstar mınıstri Maǵzum Myrzaǵalıev Aqtóbe oblysynyń ekologııalyq problemalardy sheshýge baǵńyttalǵan Jol kartasynda 33 is-shara kózdelgenin málim etti. Negizgi is-sharalar kelesi jumystardy kózdeıdi: Aqtóbe ferroqorytpa zaýytynda ekologııalyq maqsatta jańǵyrtý jumystaryn júrgizý, Aqtóbe qalasyndaǵy kárizdik tazartý keshenin qaıta jańartý, kógaldandyrý, ózen arnalaryn tazartý, Kókjıdedegi jerasty sýyna monıtorıng zertteýin uıymdastyrý, burynǵy Alǵa hımııa zaýytynyń qaýipti qaldyqtaryn joıý, 8 jańa polıgon salý jáne eskilerin rekýltıvatsııalaý.

Bul máselege baılanysty óńir basshysy Ońdasyn Orazalın rasynda da, Aqtóbe qalasy aýa sapasy jaǵynan qolaısyz qalalardyń biri ekenin atap ótti.

«Atmosferany lastaýshy negizgi eki faktor bar: birinshisi, káriz júıesiniń tozǵany, ekinshisi qala aýmaǵynda ornalasqan «Aqtóbe-Ferroqorytpa» zaýytynyń shyǵaryndylary. «Aqtóbe-Ferroqorytpa» zaýytyna toqtalsaq, qazirgi tańda №1 jáne №2 tsehtardyń gazdan tazartý júıesin qaıta tazartý júıesin qaıta jańǵyrtý jobasy júzege asyrylýda. Bul jumystardy 2022 jyly aıaqtaý josparlanǵan. Osynyń nátıjesinde beıorganıkalyq shyǵaryndylary 20 paıyzǵa deıin azaıtylady», - dedi ol.

Ákimniń aıtýyna qaraǵanda káriz júıelerinen bólinetin kúkirtsýtegi shyǵaryndylaryn azaıtý maqsatynda qazirgi tańda qalada birqatar shara qabyldanyp jatyr.

«Kásiporyndardyń qaladaǵy káriz júıesine sarqyn sý aǵyzýyn baqylaý kúsheıtildi. Kásiporyndar jelige maıdy tutyp qalýshy, sondaı-aq jergilikti tazartý qurylǵysyn ornatyp jatyr. Osyǵan qosa Aqtóbe qalasyndaǵy tazartý qurylǵylary keshenindegi qazirgi sý qubyrlaryn jańartý bastaldy. Kúkirtsýtegi shyǵaryndylaryn basýǵa alǵashqy ret Tatarstannyń Qazan qalasynan totalızatordy alǵyzyp, bıyl qoldandyq. Nátıjesi jaman emes. Kárizdik sorǵy stansalarynyń jeldetý júıesine jeldetý jumystary júrgizilip, kómir súzgileri ornatylyp jatyr. Biraq sonymen qatar máseleniń negizgi sheshimi – tazartý qurylǵylary keshenin qaıta jańǵyrtý», - dedi ol.


Joǵary qaraı