Aýa raıy
Astana -28 °S
Almaty -4 °S
valıýta baǵamy
USD 421.58
EUR 496.83
RUB 5.53
CNY 62.20

Aqtóbe oblysynyń ákimi shoshqa fermasyna qatysty pikir bildirdi

2020 jyldyń 20 qarasha 2020 11:32

AQTÓBE. QazAqparat – Aqtóbe oblysynyń ákimi Ońdasyn Orazalın shoshqa fermasyndaǵy jaǵdaıǵa qatysty óz oıyn bildirdi, dep habarlaıdy QazAqparat tilshisi.

«Bestamaqta bolǵan jaǵdaıǵa baılanysty barlyq quzyrly mekemege tıisti tapsyrma berdim. Qazir osyǵan qatysty arnaıy komıssııa quryldy. Olar jaǵdaıdy jiti tekseretin bolady. Sondaı-aq, osy salaǵa jaýapty orynbasarym men ekolog mamandar brıfıng berdi. Komıssııa tekseristi aıaqtaǵan soń, barlyǵyn ashyq baıandaıtyn bolady. Arandatýshylyqqa jol bermeımiz. Bizdiń basty jetistigimiz – bereke men birlik, tynyshtyq. Aýyzbirshilik tanytaıyq, ábden istiń baıybyna baryp, sabyr saqtap, quzyrly organdardyń tekserý nátıjesin kúteıik», - dep jazdy oblys ákimi Ońdasyn Orazalın.

Eske salsaq, Aqtóbe oblysy Alǵa aýdanynyń turǵyndary shoshqa fermasyndaǵy biraz kemshilikti atady. Olar ishek-qaryndy joıý, ólekseni zalalsyzdandyrý jumysy júrgizilmeıtinin, kómý kezinde biraz talaptyń saqtalmaıtynyn aıtty. Qazir munda shoshqa soıý jumysy toqtap tur. Ekologtar da kemshiliktiń tirkelgenin rastady.


Avtor Altynaı Saǵyndyqova
Basty sózder: Aımaq, Aqtóbe oblysy, Ákim,
Joǵary qaraı