Aýa raıy
Astana 21 °S
Almaty 24 °S
valıýta baǵamy
USD 405.69
EUR 455.51
RUB 5.72
CNY 57.42

Aqtóbe oblysynyń ákimi qýrap qalǵan 1 mln kóshet jaıynda: Meniń de janym ashıdy

2019 jyldyń 13 qarasha 2019 15:32

NUR-SULTAN. QazAqparat – Búgin Ortalyq kommýnıkatsııalar qyzmetinde ótken baspasóz máslıhatynda Aqtóbe oblysynyń ákimi Ońdasyn Orazalın óńir ortalyǵynda qýrap qalǵan 1 mln túp aǵashqa qatysty pikir bildirdi, dep habarlaıdy QazAqparat tilshisi.

«Aǵash egý, menińshe jaqsy úrdis, túzý nıet. Biraq ony iske asyrýda kemshilikter bolýy múmkin. Bizdiń aldymyzda istegen áriptesterim jaqsy nıetpen Aqtóbege birneshe myń aǵash ekse, ony tolyq qoldaý kerek. Alaıda, Aqtóbeniń bir problemasy – sýarý. Aǵash egýmen qatar sýarýdy da tolyq qamtamasyz etý qajet. Qazir sonymen aınalysyp jatyrmyz. Tıisti sharalardy qoldanýdy josparlap otyrmyz», - dedi óńir basshysy.

Osy oraıda BAQ ókilderi Aqtóbe qalasynyń jasyl jelegin túgendeý jumysyna reseılik mamandardyń tartylýy sebebin suraǵan edi.

«Birinshiden – zańǵa, ekinshiden – mamandardyń pikirine súıenýimiz qajet. Al endi olardyń Reseıden ne Qazaqstannan bolatyndyǵyn qala ákimdigi sheship otyr. Biz birneshe pikirdi tyńdaýymyz kerek. Kórshilerimiz bul rette úlken jetistikke jetse, tájirıbesin alýdyń esh aıyby joq. Ekken aǵashtardyń qýrap qalǵany ókinishti jaǵdaı. Sol qalada dúnıege kelgennen soń, meniń de janym ashıdy. Qolymnan kelgenshe osy máseleni sheshýge, atsalysýǵa daıynmyn», - dedi O.Orazalın.

Eske salsaq, Aqtóbe óńirinde 2017 jyly otyrǵyzylǵan 1 mıllıon túp kóshet sýarylmaı, qýrap qalǵan bolatyn. Bul úshin bıýdjettiń 70 mıllıon teńgeden astam qarjysy jumsaldy.

Avtor Marlan Jıembaı
Basty sózder: Aqtóbe oblysy, Ákim, Aımaq,
Joǵary qaraı