Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqtóbe oblysynda úsh adam sýǵa batyp ketti

2021 jyldyń 25 shilde 2021 18:18

AQTÓBE. QazAqparat – Aqtóbede úsh adam sýǵa batyp ketti. Onyń bireýi - 18 jastaǵy qyz, dep habarlaıdy QazAqparat tilshisi.

Oblystyq tótenshe jaǵdaılar departamentiniń habarlaýynsha, birinshi oqıǵa saǵat 3:00-de tirkelgen.

Aqtóbe sý qoımasyna balyq aýlaýǵa barǵan tórt aqtóbelik mingen motorly qaıyq kenet aýdarylyp ketip, úsheýi jaǵaǵa júzip bardy. Al bireýi joǵalyp ketti.

«Jedel qutqarý jasaǵy izdeý jumystaryn júrgizip, 46 jastaǵy er adamnyń denesin 3 metr tereńdikten alyp shyqty. Sonymen birge búgin saǵat 13:45-te 45 jastaǵy er adamnyń denesin kýágerler sýdan alyp shyqty. Boljam boıynsha qaza tapqan adam mas bolǵan. Sóıtip tyıym salynǵan aýmaqta sýǵa shomylǵan», - dep habarlady oblystyq TJD baspasóz qyzmeti.

Aqtóbe oblystyq TJD qyzmetkerleri Mártók aýdany Elek ózeninen 18 jastaǵy qyzdyń denesin izdedi.

Kýágerlerdiń aıtýynsha, ol tyıym salynǵan aýmaqta shomylǵan. Kóp uzamaı qutqarýshylar qyzdyń denesin shyǵaryp aldy.


Avtor Altynaı Saǵyndyqova
Basty sózder: Oqıǵa, Aqtóbe oblysy,
Joǵary qaraı