Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqtóbe oblysynda dáriger tapshylyǵy joq – Rýslan Hambarov

2021 jyldyń 24 qyrkúıek 2021 18:28

NUR-SULTAN. QazAqparat – Jyl basynan beri Aqtóbe oblysynda koronavırýspen kúreske jumyldyrylǵan dárigerlerge 4,8 mlrd teńge ústemaqy tólendi. Bul týraly Aqtóbe oblysy ákiminiń birinshi orynbasary Rýslan Hambarov aıtty, dep habarlaıdy QazAqparat tilshisi.

«Qazirgi ýaqyttyń qaharmandary dárigerler ekeni sózsiz. Óńirde medıtsına salasyndaǵy 4,5 myńnan astam maman KVI-ge qarsy qyzmet etip jatyr. Jyl basynan aq halatty jandardyń eńbegin baǵalaý maqsatynda 4,8 mlrd teńgege ústemaqy tólendi. Sonymen qatar oblysta jyl saıyn bilikti mamandardy daıyndap shyǵaratyn Aqtóbedegi M.Ospanov atyndaǵy BQO medıtsına ýnıversıtetiniń arqasynda óńirde kadr tapshylyǵy baıqalmaıdy», - dedi ol Ortalyq kommýnıkatsııalar qyzmetindegi brıfıng barysynda.

Oblys ákimi birinshi orynbasarynyń dereginshe, óńirde 4 myń kásipker Ashyq jobasyna qatysady. Onyń ishinde kóshbasshy mártebesine 60 mekeme ıe bolsa, 59 kásipker aýtsaıder tizimine kirip otyr.

«Ashyq jobasy engizilgennen beri óńirde «sary» mártebesi bar 238 adam jáne «qyzyl» mártbesi bar 314 adam anyqtaldy. Sonymen birge Aqtóbe qalasynyń bas memlekettik sanıtar dárigeri «sary» mártebesi bar 100 adamǵa qatysty qaýly shyǵaryp, «qyzyl» mártebesi bary 77 tulǵa Ákimshilik quqyq buzýshylyq týraly kodekstiń 425-babynyń 1-bóligi boıynsha 3,4 mln teńge somasyna ákimshilik jaýapqa tartyldy», - dedi Rýslan Hambarov.

Sonymen qatar ol oblys aýmaǵynda qurylǵan monıtorıng toptary 7 357 reıd júrgizip, 40 642 nysandy teksergenin atap ótti. Nátıjesinde Ákimshilik quqyq buzýshylyq týraly kodekske sáıkes 871 aıyppul salynǵan.


Joǵary qaraı