Aýa raıy
Astana 22 °S
Almaty 25 °S
valıýta baǵamy
USD 405.69
EUR 455.51
RUB 5.72
CNY 57.42

Aqtóbe oblysynda «Barqyn qumy» tabıǵı aımaǵy qurylady

2019 jyldyń 13 qarasha 2019 14:41

NUR-SULTAN. QazAqparat – Aqtóbe oblysynda «Barqyn qumy» tabıǵı aımaǵy qurylady. Bul týraly búgin Ortalyq kommýnkatsııalar qyzmetindegi baspasóz máslıhatynda Aqtóbe oblysynyń ákimi Ońdasyn Orazalın aıtty, dep habarlaıdy QazAqparat tilshisi.

Baspasóz máslıhaty barysynda Ońdasyn Orazalın Aqtóbe oblysy turǵyndary kóterip júrgen birqatar ekologııalyq máselelerge toqtalyp, olardy sheshý úshin qandaı sharalar atqarylyp jatqanyn aıtty.

«Kókjıdeniń jer asty sýynyń sapasy joǵary, taza jáne kólemi mol deıtin bolsaq, sol jerdiń qumdy massıvin saqtap qalý úshin Aqótóbe oblysy ákimdiginiń qaýlysymen «Kókjıde-Qumjarǵan» erekshe qorǵalatyn tabıǵı aýmaǵy quryldy. Kókjıde jerasty jáne jerústi sýyna turaqty monıtorıng júrgiziledi. Qazirdiń ózinde jerasty sýynyń sapasy turaqtanyp kele jatqany baıqalady», - dedi ol.

Oblys ákiminiń aıtýynsha, Kókjıde sýyna monıtorıng júrgizýge Úkimet tarapynan tolyq qoldaý kórsetilip, qarjylandyrylyp jatyr. Bul jumystar kelesi jyldyń sońyna deıin aıaqtalyp, tolyq málimet halyqqa jetkizilmek.

«Osy jyldyń sońyna deıin Oıyl aýdanynyń aýmaǵynda «Barqyn qum alqaby» aýmaǵy qurylady. Bul da - sol aýdan turǵyndary kótergen máselelerdiń biri edi. Oǵan mán berip otyrmyz», - dedi O.Orazalın.

Joǵary qaraı