Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqtóbe oblysynda 489 bala KVI juqtyrdy

2021 jyldyń 24 qyrkúıek 2021 17:15

NUR-SULTAN. QazAqparat – Aqtóbe oblysynda 51 júkti áıel koronavırýs ınfektsııasyna shaldyǵýyna baılanysty aýrýhanalarda em alyp jatyr. Bul týraly Aqtóbe oblysy ákiminiń birinshi orynbasary Rýslan Hambarov aıtty, dep habarlaıdy QazAqparat tilshisi.

«Osy jyldyń 24 qyrkúıegindegi málimetke sáıkes, ótken táýlikte KVI-diń 137, onyń ishinde ókpe qabýynyń 9 jaǵdaıy anyqtaldy. Jalpy, pandemııa bastalǵannan beri oblysta 32 130 resmı rastalǵan jaǵdaı tirkeldi. Onyń ishinde ókpe qabynýy – 3 447. Búginde 29 605 naýqas jazylyp shyqty. Ókinishke qaraı, pandemııa bastalǵannan beri 529 adam qaıtys boldy. Qazirgi tańda ınfektsııalyq aýrýhanalarda 658 adam, onyń ishinde jansaqtaý bólimshesinde 84 naýqas em alýda. Karantındik stantsıonarda 4 adam jatyr. Búginde aýrýhanalarda em alyp jatqan júkti áıelder sany – 51. Onyń ishinde reanımatsııada 9 adam bar. Sonymen qatar 62 júkti áıel úıden emdelýde», - dedi ol Ortalyq kommýnıkatsııalar qyzmetindegi brıfıng barysynda.

Óńir basshysy birinshi orynbasarynyń dereginshe, 2021 jyldyń 1-23 qyrkúıegi aralyǵynda oblys boıynsha mektep jasyndaǵy balalar arasynda koronavırýs ınfektsııasynyń 489 jaǵdaıy tirkelgen. Onyń ishinde Aqtóbe qalasynda - 362, oblys aýdandarynda 127 bala aýyryp jatyr.

«Búgingi tańda koronavırýs ınfektsııasy anyqtalǵan 123 mektepte 473 synyp qashyqtan oqý formatyna kóshirilip, úı karantınine oqshaýlandy. Oblysta karantınge jabylǵan aýysymdar men mektepter joq. Osy jyldyń 1-23 qyrkúıegi aralyǵynda pedagogtar arasynda KVI-diń 53 jaǵdaıy tirkeldi. Oblysta muǵalimder men oqýshylar arasynda KVI boıynsha kúndelikti monıtorıng júrgiziledi. Sonymen birge barlyq bilim berý nysandarynda sanıtarlyq normalardy saqtaý boıynsha qatań talap saqtalady», - dedi Rýslan Hambarov.


Joǵary qaraı