Aýa raıy
Astana -8 °S
Almaty -9 °S
valıýta baǵamy
USD 421.58
EUR 496.83
RUB 5.53
CNY 62.20

«Aqtóbe-Qandyaǵash» tasjolynyń qurylysy bıyl bastalady

2020 jyldyń 3 jeltoqsan 2020 04:21

AQTÓBE. QazAqparat - Aqtóbe-Atyraý tasjolynyń eń negizgi bóliginde bıyl qurylys jumysy bastalady, dep habarlaıdy QazAqparat tilshisi.

Aqtóbe-Atyraý halyqaralyq trassasynyń «Aqtóbe-Qandyaǵash» qalalary arasy qazir shuryq-tesik. Jol azabyn tartqan júrgizýshiler jıi shaǵym aıtyp, osy baǵyttyń kúrdelý jóndeý jumysyn uzaq kútti.

«Aqtóbe oblysynyń ákimi Ońdasyn Orazalın «QazAvtoJol UK» Basqarma Tóraǵasy Ulan Alıpovpen kezdesti. Júzdesý barysynda respýblıkalyq mańyzy bar «Aqtóbe-Qandyaǵysh» tas jolyn qaıta salý jumystaryna qatysty máseleler talqylandy. Kelisim boıynsha jeltoqsan aıynda daıyndyq sharalaryn tolyq aıaqtap, kelesi jyly naqty iske kirisedi. Aımaq basshysy jolaýshylar kóligi jáne avtomobıl joldary basqarmasynyń basshysy Málimbet Ibrashovqa ulttyq kompanııaǵa ákimdik tarapynan kórsetiletin qoldaýdy sapaly uıymdastyrýdy tapsyrdy», - dep habarlady oblys ákiminiń baspasóz qyzmeti.

Qurylys jumystaryna 64 mıllıard teńge bólinedi. «Aqtóbe-Qandyaǵysh» tasjoly aldaǵy úsh jylda tolyq aıaqtalady. Barlyǵy eki jańa kópir salynyp, 9-y qaıta jóndeledi.

«Barlyǵy 89 shaqyrymdy quraıtyn qurylys jumysyna 3500 adam jumyldyrylady. Sonymen birge 1800 tehnıka jumysqa tartylady. «Nurly jol» baǵdarlamasymen salynatyn joba ekige bólingen. Tórt jolaqty jol qurylysynyń sapasy únemi baqylaýda bolady», - dedi «Qazavtojol» UQ» AQ basqarma tóraǵasy Ulan Álipov.


Avtor Altynaı Saǵyndyqova
Basty sózder: Qurylys, Aqtóbe oblysy,
Joǵary qaraı