Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqtóbe epıdemıologtary jasóspirimderdiń ata-anasyna vaktsınanyń mańyzyn túsindirdi

2021 jyldyń 24 qarasha 2021 00:48

AQTÓBE. QazAqparat - Aqtóbede epıdemıologtar ata-analarǵa Pfizer vaktsınasyn saldyrýyń mán-mańyzyn túsindirip jatyr, dep habarlaıdy QazAqparat tilshisi.

Aqtóbe oblysyna Pfizer vaktsınasy 20 qarasha kúni jetkizilip, emhanalarǵa taratyldy.

Al 22-qarasha kúni egý jumysy bastaldy.
Alǵashqy kúni 12 adam Pfizer vaktsınasyn saldyrdy. Onyń 8-i - bala emizetin ana jáne tórteýi - jasóspirim.

«Sonymen birge oblystyq densaýlyq saqtaý basqarmasynyń mamandary, Marat Ospanov atyndaǵy Batys Qazaqstan medıtsına ýnıversıtetiniń oqytýshy quramy, oblystyq sanıtarııalyq-epıdemıologııalyq departament qyzmetkerleri ata-analar arasynda aqparattyq-túsindirý jumysyn júrgizildi. Atap aıtqanda №1, 2, 3, 4, 5, 6 mektep gımnazııalary, №8 mektebi, №9 mektep-gımnazııasy, № 10, 11, 12, 13, 14 mektepterde kezdesý ótti»,- dedi Aqtóbe oblystyq densaýlyq saqtaý basqarmasy basshysynyń orynbasary Aıgúl Kúshtaeva.


Joǵary qaraı