Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Aqtóbe bir kúnde «sary» aımaqtan «qyzylǵa» ótti

2022 jyldyń 13 qańtar 2022 13:54

AQTÓBE. QazAqparat – Aqtóbede bir táýlikte 225 adamnan koronavırýs ınfektsııasy anyqtaldy. Sóıtip bir táýliktiń ishinde «sarydan» «qyzyl» aımaqqa ótti, dep habarlaıdy QazAqparat tilshisi.

Aqtóbe oblysy boıynsha ótken táýlikte 225 jaǵdaı tirkelse, onyń 132-i vırýstyń sımptomdy túrine shaldyqqan. Qalamen qatar barlyq aýdanda aýyryp, dáriger kómegine júgingen adam sany kóbeıdi.

«11 qańtar kúni 75, al 12 qańtar kúni 225 adamnan koronavırýs ınfektsııasy anyqtalyp otyr. Bir táýlikte úsh esege ósti. Qazirgi kezde shekteý sharasyn kúsheıtý úshin qaýly ázirlenip jatyr. Endi túngi klýb, túrli oıyn-saýyq oryndarynyń jumysy toqtatylady. Sonymen birge ujymdyq is-sharalar ótkizýge tyıym salynady. Saýda oryndary, saýda úılerine tek «jasyl» mártebesi bar adamdar kire alady. Shetelden kelgenderden PTR anyqtama suralady. Birer kúnde qaýlyny jarııalaımyz», - dedi oblystyq sanıtarııalyq-epıdemıologııalyq baqylaý departamenti basshysynyń orynbasary Muhtar Serbaev.

Aıta keteıik, búginge deıin óńirde 35 myńnan astam adamnan koronavırýs ınfektsııasy anyqtaldy. Onyń 98 % astamy jazyldy.

«Omıkron» shtamy bizde anyqtalmady. Biraq vırýstyń bul shtamy tez taralatynyn esten shyǵarmaǵan jón. JRVI-ge uqsas vırýs kezinde qyzýy kóterilmeýi de múmkin. Biraq adam ózin álsiz sezinip, súıegi syrqyraıdy. Úıde emdelmeýi kerek. Sońy pnevmonııaǵa aparady», - dedi Muhtar Serbaev.


Joǵary qaraı