Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqtaýlyq turǵynnan salyq qaryzy úshin kóligi tárkilendi

2021 jyldyń 21 qyrkúıek 2021 15:35

AQTAÝ. QazAqparat- Aqtaýlyq azamattan salyq qaryzy úshin kóligi tárkilendi, dep habarlaıdy QazAqparat tilshisi.

Mańǵystaý oblysy boıynsha Memlekettik kirister departamenti salyq tólemegenderge qatysty shara qoldana bastady.

Polıtsııa qyzmetkerleri jáne sot oryndaýshylarynyń kómegimen boryshkerlerdiń avtokólikteri kóshede ustalyp, aıyppul turaǵyna jetkiziledi.

Máselen, salyq qaryzy 750 myń teńgeden asatyn Aqtaý turǵynynyń avtokóligi aıyppul turaǵyna jetkizildi. Kólik Aqtaý qalasy boıynsha Memlekettik kirister basqarmasy, Ákimshilik polıtsııa jáne jeke sot oryndaýshylarynyń óńirlik palatasy qyzmetkerleri júrgizgen reıd barysynda tárkilendi.

Kólik quraldaryna salynatyn salyqtar boıynsha bereshegi bar avtomobılderdi anyqtaý jáne arnaıy aıyppul turaǵyna qoıý boıynsha reıd júrgizý kezinde 2019 jyldan bastap 2020 jylǵa deıin salyq boıynsha bereshegi úshin «Mersedes» markaly avtomobıl toqtatyldy. Atalǵan temir tulpar ıesiniń kólik salyǵy boıynsha qaryzdyń jalpy somasy 750 myńnan astam teńgege jetken.

Qaryzdy ótegenge deıin kólik polıtsııanyń arnaıy aıyppul turaǵynda bolady. Reıd jyl sońyna deıin jalǵasady.


Joǵary qaraı