Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqtaýlyq 10 jasar oqýshy Qazaqstan atynan «Slavıan bazary» baıqaýyna qatysyp jatyr

2021 jyldyń 17 shilde 2021 20:38

AQTAÝ. QazAqparat - Aqtaý qalasynda turatyn 10 jasar oryndaýshy Ámına Asgatova bıylǵy «Slavıan bazary» baıqaýynda Qazaqstan namysyn qorǵaıdy, dep habarlaıdy QazAqparat Lada.kz resýrsyna silteme jasap.

Aqtaýlyq oqýshy «Slavıan bazary» óner baıqaýynyń balalar tobynda jerebe tastaý rásiminen ótti.

Bul jaıynda «Kempirqosaq» balalar óneri stýdııasynan málim etken.

Jerebe tastaý rásimi keshe, 16 shildede Vıtebsk qalasynda ótti.

Ámına Asgatova konkýrstyń birinshi kúni segizinshi bolyp óner kórsetedi. Al ekinshi kúni on ekinshi bolyp sahnaǵa shyǵady.

Aıta keteıik, 10 jasar Ámına naýryzda Almatyda ótken ulttyq irikteý týrynda jeńiske jetip, atalmysh baıqaýǵa joldama alǵan bolatyn.

Onda 21 úmitker ishinen Ámınanyń óneri oq boıy ozyq boldy.

Al eresekter tobynda bul óner jarysyna bıyl Qazaqstan atynan jas ánshi Rýhııa Baıdúken qatysýda.

Eske sala ketsek, «Slavıan bazary» halyqaralyq festıvali bıylǵy 14-19 shilde kúnderi Belarýstiń Vıtebsk qalasynda ótip jatyr.



Joǵary qaraı