Aýa raıy
Astana -21 °S
Almaty 0 °S
valıýta baǵamy
USD 421.58
EUR 496.83
RUB 5.53
CNY 62.20

Aqtaýdaǵy týystarynyń úıinen qashyp ketken 15 jasar qyz Atyraýdan tabyldy

2020 jyldyń 30 qazan 2020 05:33

ATYRAÝ. QazAqparat – Aqtaý qalasyndaǵy týystarynyń úıinen belgisiz baǵytqa shyǵyp ketken 15 jasar aqtóbelik jasóspirim qyz Atyraý qalasynan tabyldy, dep habarlaıdy QazAqparat.

Oblystyq polıtsııa departamenti qyzmetkerleri «Quqyqtyq tártip» respýblıkalyq jedel aldyn alý is-sharasyn ótkizip jatyr. Sharanyń alǵashqy úsh kúninde túngi saǵat 23:00-den keıin ata-anasynyń qaraýynsyz kóshede júrgen 94 jasóspirim anyqtalǵan.

Jasóspirimderdiń ata-anasyna qatysty ákimshilik hattama toltyrylǵan,

«27 qazanda polıtsııa organdaryna Mańǵystaý oblystyq polıtsııa departamentinen 15 jasar jasóspirimniń Aqtaý qalasyndaǵy úıinen belgisiz baǵytqa shyǵyp ketip, otbasyna oralmaǵany týraly baǵyttama tústi. Atyraý qalalyq polıtsııa basqarmasynyń qyzmetkerleri jasóspirimdi Qursaı yqshamaýdanyndaǵy naǵashy ájesiniń úıinen tapty. Tekserý kezinde Aqtóbe qalasynda turatyn 15 jasar jasóspirim Aqtaý qalasyndaǵy týystarynyń úıine barǵan. Týystaryna aıtpaı, taksımen Atyraý qalasyna kelgeni anyqtaldy» dep habarlady departamenttiń baspasóz qyzmeti.

Qazir jasóspirim Atyraý qalasyndaǵy kámeletke tolmaǵandardy beıimdeý ortalyǵyna ornalastyrylǵan.

Eske sala ketelik, budan buryn Atyraýda Shymkentten jalǵyz ózi qydyryp kelgen jasóspirim ustalǵanyn habarlaǵan bolatynbyz.


Joǵary qaraı