Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Aqtaýda joǵalyp ketken sarbaz úsh kúnnen keıin tabyldy

2022 jyldyń 17 mamyr 2022 14:22

NUR-SULTAN. QazAqparat – Aqtaýda joǵalyp ketken sarbaz úsh kúnnen keıin tabyldy, dep habarlaıdy QazAqparat tilshisi.

QR Ulttyq ulany «Batys» óńirlik qolbasshylyǵynyń baspasóz qyzmeti málim etkenindeı, 17 mamyr kúni saǵat 07.15 shamasynda 6656-áskerı bóliminiń áskerı qyzmetshisi, qatardaǵy jaýynger Baǵlan Ádilbekov Aqtaý qalasyndaǵy polıtsııa tirek pýnktine ózi kelgen.

«Budan buryn qatardaǵy jaýynger B.Ádilbekov 14 mamyr kúni patrýldik kúzet aıaqtalǵannan keıin áskerı bólimge kelmeı, ózdigimen belgisiz baǵytta ketip qalǵan. Sarbaz ata-anasymen kezdesti. Qazirgi kezde qyzmettik tekserý júrgizilýde», dep habarlady vedomstvodan.

Eske sala keteıik, budan buryn Aqtaýda áskerı boryshyn ótep júrgen sarbazdyń joǵalyp ketkenin jazǵan bolatynbyz.

Qatardaǵy jaýynger B.Ádilbekov 2021 jyldyń maýsym aıynda Aqtóbe oblystyq qorǵanys isteri jónindegi basqarmasy arqyly áskerge shaqyrylǵan.



Joǵary qaraı